| 1. | آپگ | [(آ ـ پَگ)] آپیں چیز، واداپ، آپِشک کوھَل کُرتگیں گوشت یا ماھیگ ءِ نارُشت ـ آپینک. Synonym: آپگ |
| 2. | آپگت | [(آپ ـ گَت)] آپ گُمان، ھما مردم کہ آئی ءَ گَت ءُ گُمان ءَ چو آپ ءَ ھر کَنڈے ءَ جَھلاد بیت ـ ھما مردم کہ چَہ وَت سَسّا ئِے نیست ھر کسے کہ لوٹ اِیت مھار ئِے کنت. Synonym: آپگت |
| 3. | آپگج | [(آپ + گَج ـ ج / آپ گِج ـ ج)] تَچوکیں آپ یا کَور ءِ جوڑ بوتگیں اسپیتیں چو کہ پُکّی ءَ سابون رنگیں کپ. Synonym: آپگج |
| 4. | آپگر | [(آپ + گِر)] بچار ” آبگر“. Synonym: آپگِر |
| 5. | آپگرگ | [(آپ + گِ ـ رَگ)] بوجیگ ءِ چہ مساپری ءَ پیسر پہ راہ ءَ کارمرد ءَ ” آپ گِرَگ“ (۲) راچن، بدن کہ گوں بیلّ ءَ تیاب ءَ سکّ کنگ بنت آلاڑ ءَ آیاں آپ یلہ دَنت، چِلّ ءُ موش کنگ بنت پد ءَ بِیلّ کہ More… |
| 6. | آپگس | [(آپ + گِس)] ھما گِس کہ اود ءَ ملک ءِ آپ ءِ بھر ءُ بانگ ءِ کار بیت ءُ بَست ءُ بند ءُ دَے ءُ زیر بیت. Synonym: آپگس |
| 7. | آپگنج | [(آپ + گَن ـ ج)] آپ ءِ گنج، ھما جاگہ کہ آپ جم کنگ بیت ءُ پد ءَ پہ ملک ءَ بَھر کنگ بیت، آپ اَمبار،. Synonym: آپگنج |
| 8. | آپگوات | [(آپ ـ گْ ـ وَا ـ ت)] آپ ءُ گْوات (۲) « آپ آبلہ» کہ بُندر ءَ ایشی ءِ جند ءِ نام « آبلہ» اِنت. Synonym: آپگْوات |
| 9. | آپگوھت | [(آپ ـ گْ وَہ ـ ت)] آبگْوھت، ھما ساد کہ چہ بْریسگ ءَ پیسر ءُ رند آئی ءَ آپ ءَ کن اَنت کہ ایشی ءِ سکّ لھم بیت ءُ مھکم. Synonym: آپگْوھت |
| 10. | آپگیر | [(آپ + گِی ـ ر)] آپ ءِ گرگ ءِ وھد، ھما وھد کہ یک ڈگارے ءِ آپ سرجم بیت ءُ پہ دومی ڈگار ءَ آپ گرگ بیت. Synonym: آپگیر |
| 11. | آپگیچ | [(آپ + گِ ے ـ چ)] آپ ءِ گیچوک بزاں پالاؤک، آپگیچیں زمین ، ھما زمین کہ آئی ءِ آپ پھک ءُ ساپ اِنت بزاں لُڑ ءُ ھاک ئِے مان نیست. Synonym: آپگیچ |