| 1. | آپی | [(آ ـ پِی)] ھما کہ گوں آپ ءَ سْیادی کنت (۲) ھما مردم کہ آپ بھا کنت. Synonym: آپی |
| 2. | آپی سنگ | [(آ ـ پِی ـ سِن ـ گ)] ھما سِنگ کہ کور ءِ جگرد ءَ اِنت کہ ھر وھد ماں آپ ءَ اِنت (۲) سِنگ بندیں چات ءِ ھما سِنگ کہ چات ءِ بُن ءَ اَنت ھم ھر وھد آپ ءَ اِنت. Synonym: آپی سِنگ |
| 3. | آپی سنگاں رسگ | [(آ ـ پِی ـ سِن ـ گا ـ ن + رَسَگ)] اِیسُپ ءِ کتب ءَ رَسگ، تُمپ بَیَگ، زمین بیگ، گُڈّی مُبین ءَ رسگ. Synonym: آپی سنگاں رسگ |
| 4. | آپی مار | [(آپی + مار)] دریائی مار: ھما مار کہ دریا ءَ بنت ـ (۲) ھما مردم کہ گِندگ ءَ بے آزار اِنت بلے اناگہ ءَ بے تواری مزنیں تاوان دَنت. Synonym: آپی مار |
| 5. | آپی گونڈار | [(آ ـ پِی + گُون ڈار)] سْیاھیں گُونڈارے کہ وشّیں آپ ءَ بیت. بُکّ وارت ءُ در کَیت. Synonym: آپی گُونڈار |
| 6. | آپینک | [(آ ـ پِے ـ ن ـ ک)] ھر چیزے کہ چو آپ ءَ تچوک ءُ تلوک بہ بیت، تازی: سیّال، انگریزی (LIQUID) ایشی ءِ چَپّ تْرندینک اِنت. Synonym: آپینک |