| 1. | اس | [(اُ سّْ)] بَسّ ، چُپ. Synonym: اُسّ |
| 2. | اسا | [(اَ - سکا)] مردینے نامے (2) لَٹّ ، دست لَٹّ ، دَزلَٹّ ، دسلٹّ (تازی: عصا). Synonym: اَسا |
| 3. | اسباب | [(اَسْ - بَابْ)] اَزْبَاب ، سامان ، کاربوج. Synonym: اَسباب |
| 4. | استا | [(اُسْ - تَا)] ھر کارے ءِ بلد ءُ زانتکار ، بان بند ، واڑہ ، آسِنکار ، بزاں ھر چیزے ءِ "اُستاد" (2) اوستا یا کہ اَوِستا: زردشتی نیگراہ ءِ پاکوانگی. Synonym: اُستا |
| 5. | استاد | [(اُسْ - تَا دْ)] اُستا ، بَلَد ، زانتکار ، وانینوک ، سوج دیوک. Synonym: اُستاد |
| 6. | استار | [(اِسْ - تَا رْ)] تھار ماھیں شپ ءَ آزمان ءِ دیم ءَ تْرپوکیں چیز کہ آزمان ءِ دیم ءَ سکّ باز اَنت - تْرپوک ءُ پتلاؤکیں چیز (2) دریائی لُولّکے پنچ کانٹیں ، چو کہ اِستار ءَ اِنت (3) سکّیں More… |
| 7. | استاردمبی | [(اِسْ - تَارْ - دُمْبِیْ)] ھما اِستار کہ دْراجیں روک ءُ روژنائیں دُمبے پِر اِنت ئے. Synonym: اِستاردُمبی |
| 8. | استارزانت | [(اِسْ - تَا رْ - زَان - تْ)] ھما مردم کہ اِستارانی تَرّ ءُ گردشت ءُ آیانی بُڈّگ ءُ درآیگ ءُ ھرچ دگہ کارے کہ گوں آیاں سْیادی کنت زانت. Synonym: اِستارزانت |
| 9. | استارو | [(اِسْ - تَارْ - رُوْ)] چو کہ اِستار ءَ ، چو کہ اِستار ءَ روک: اِستار بوم ، تْرپوک (2) سُسُل. Synonym: اِستارو |
| 10. | استاری | [(اِسْ - تَا - رِیْ)] جِتگیں ، لِکّ اِتگیں یا تتکگیں مردم ، ھما مردم کہ پہ میارے زیرگ ءَ دراں ڈیھ کنگ بوتگ. Synonym: اِستاری ◊ [(اِسْ - تَا - رِیْ)] ھما کہ گوں اِستاراں سْیادی More… |
| 11. | استال | [(اِسْ - تَا - لْ)] اِستار. Synonym: اِستال |
| 12. | استالاپ | [(اِسْ - تَا - لَاپْ)] دلبالاد ، کسے ءِ انچوش وپسگ کہ آئی ءِ بڈپتنی ءَ زمین ءِ سر ءَ اِنت. Synonym: اِستالاپ |
| 13. | استان | [(اِسْ - تَا - نْ)] چمچہ. کسانیں ھنسگ. Synonym: اِستان |
| 14. | استانک | [(اِسْ - تَا - نُکْ)] کسانیں اِستان. Synonym: اِستانک |
| 15. | استاکدوس | [(اُسْ - تا - کُدْ - دُوسْ)] درمانے کہ لاپ ءَ بارت بزاں ریتّا چُک ءُ جُلابے. Synonym: اُستاکُدُّوس |
| 16. | استر | [(اِسْ - تِرْ)] اِستِل ، ھَر ءُ اپس ءِ چُکّ. Synonym: اِستِر |
| 17. | استرجل | [(اِسْ - تَ - رْ َ- جَلّْ)] اِسترگ جَلّ - اِسترگ جلد ، استرہ جلّ: اِسترگ ءِ مان کنگ ءِ پوستی یا گُدی پیلک یا پوش. Synonym: اِسترجلّ |
| 18. | استرسنگ | [(اِسْ - تَ رْ - سِ نْ گْ)] استرہ سنگ. استرگ سنگ . استرگ ءِ تیز کنگ ءِ ساپ سِنگ. Synonym: اِسترسنگ |
| 19. | استرگ | [(اِسْ - تَ - رَگْ)] سریا ریشّ ، سایگ ءِ تیزیں کارچ - چالاک ، چالاک کاریں مردم. Synonym: اِسترگ |
| 20. | استرگ سنگ | [(اِسْ - تَ رَ گْ - سِ نْ گْ)] ھما ساپ سنگ کہ گوں آئی ءَ اِسترگ تیز کن اَنت. Synonym: اِسترگ سنگ |