to main page
Sayed Ganj Balochi Glossary [Sayad Zahoor Shah Hashmi]
selected terms: 37

1. پت [(پِ۔تْ)] ابّا: مردینے ءُ جنینے اگاں سیر کن اَنت ءُ آیاں چُکّے بیت مردین چُکّ ءِ پِت اِنت ءُ زانتگیں گپّے کہ جنین مات بیت۔. Synonym: پِت ◊ [(پَ۔تّ)] سَنّت، ھمراہ داری، ھمراھی، More…
2. پتات [(پَ تَا۔ تْ)] "پتایگ" یا پتاھگ ءِ گْوستگال بزاں کسے ءَ پتایگ ءِ کار کت۔. Synonym: پتات
3. پتار [(پَ۔ تَ ا۔ رْ)] کاہ ءُ بوچّ ءُ لِڈّ، لَنش ءُ پتار کہ کَور ءِ ھار یاکہ ھور ءِ جم بوتگیں آپانی دامن ءَ بنت۔پتار کنگ: ریچگ. Synonym: پتار
4. پتارگ [(پَ تَا۔ رَگْ)] پتار دیگ ، پتار کنگ ، شِنگ کنگ ، شِنگدان کنگ۔. Synonym: پَتارگ
5. پتان [(پُ تَا۔ نْ)] سرباز ءَ یک شھرے کہ چہ مزن زمین ءَ جھل ءُ چہ زیارجاہ ءَ بُرز اِنت۔. Synonym: پُتان
6. پتاک [(پَ۔ تْ۔ تَاکْ)] سکّ نوک ، باز نوک، نوک ءُ پتّاک: بزاں نوک انچوش کہ گڑیں گُد ماں اکبندیں تاکار ءَ بہ بیت۔. Synonym: پتّاک
7. پتایگ [(پَ۔ تَا۔ یَگْ)] پتاھگ: ساد یا بندیکے یک چیزے ءِ چپ ءُ چاگرد ءَ باز رند ءَ مُھر مُھر ءَ ترّینگ۔. Synonym: پتایگ
8. پتر [(پُ۔ تِ۔رْ)] تہ ءَ برو "پُترگ" ءِ پرمانگال بزاں بہ پُتِر یا پُترگ ءِ کار ءَ بہ کن۔. Synonym: پتِر ◊ [(پَ۔تْ۔ تَ رْ)] تگرد، چیرگیج(2) پیر ءِ پتّر: پہ بزرگے ءِ ھاتر ءَ More…
9. پتربل [(پُ تِ رْ± بِ لّ)] پُترگ ءِ اجازت، جاگھے کہ اود ءَ بے "بلّ" ءَ پُترگ ءَ نیل اَنت گڑا ھرکسے ءَ کہ پُترگ ءِ موکل رس ایت آئی ءَ راستینک یا بزتاک ءُ نمدی یے دینت ھمیشی ءَ More…
10. پتروش [(پُ۔تْ۔رُو۔شّ)] چہ آس ءَ کسانیں سِستگیں بْرانز کہ بال کن اَنت ءُ مِر اَنت۔. Synonym: پُتروشّ
11. پتروشک [(پُ۔تْ۔رُو۔شْک)] بچار "پَتریشک". Synonym: پتْروشک
12. پتروشگ [(پُتْ۔رُو۔ شَگ)] پُتروشّ، پُتْروشّ دیگ، بْرانز دیگ چہ آس ءَ بْرانزکانی سِدگ ءُ ماں گْوات ءَ مِرگ، ھمےپُتروشّگ اگاں آسدوستیں چیزے ءَ بگر اَنت بُن ئِے دینت۔ پتروشگ دیگ: چہ آس ءَ بالبْرانز More…
13. پترونک [(پَ۔تْ رُو۔ نْ کّ / پُ۔تْ۔ رُو۔ نْکّ)] سولے بلے دو زات اِنت۔ یکّے ءِ تاکاں ور اَنت ءُ دومی ءِ بَراں، ایشی ءِ بَر دو دو چار ، چار یکجا بزاں یکّیں بند ءَ اَنت، تام اِش وشّ اِنت۔. Synonym: More…
14. پتروک [(پَ۔تْ۔ رُو۔کّ)] بچار "پَترونکّ". Synonym: پَتْروکّ ◊ [(پُ۔تِ۔ رٗوک)] پُتِرگ ءِ کار ءَ کنوک، ھماکہ پُتر اِیت۔. پُتِروک
15. پترک [(پَ۔تْ۔ رِکّ)] تگردی لوگ ءِ پڈّل یا تگرد یاکہ تگردانی شم ءُ تَل ، گْوش اَنت "پلانی ءِ لوگ ءِ "پَترِک" پچ اَنت۔(2) پُلّی تاک بزاں دْرچک ءِ یا سول ءِ یا بوٹگ ءِ پُلّانی تاک۔(3) More…
16. پترگ [(پُ۔ تِ۔ رَگ)] تہ ءَ روگ، لوگ یا دگہ انچیں جاگھے چو لوگ ءَ آئی ءِ تہ ءَ روگ بہ بیت آئی ءِ تھی نیمگ ءَ، مان دیگ، تہ ءَ گْوزگ، دروازگ، دریگ، ٹنگ یا گار یا دگہ انچیں پُترجاھے ءَ پُترگ بزاں آئی More…
17. پتریشک [(پَ۔تْ۔ رِی۔ شْ۔کْ / پُ۔تْ۔رِی۔شْ۔کْ)] پُتروشّ، پُتروشّگ، چہ آس ءَ سِستگیں بْرانزُک، (2)سکّ کمّ، کمّیں چیز(3) اُمیت ءِ پتریشک: بزاں اوست ءِ پتْریشک یا بْرانز. Synonym: پتریشک
18. پتریشگ [(پَ۔تْ۔ رِی۔ شْ۔ شَ گْ)] بچار "پتروشّگ". Synonym: پتریشّگ
19. پترین [(پُ۔ تْ۔ رے۔ نْ)] پُترین ءِ پرمانگال بزاں بہ پُترین: بہ گْوازین، تہ ءَ رواں بدے، انچوش بکن کہ کسے تہ ءَ روت، تہ ءَ بہ پُتُر اِیت ءُ بہ گْوز اِیت۔ پُترینگ ءِ کار ءَ بکن۔. Synonym: پُترین
20. پترینک [(پَ۔تْ۔ رِیْ۔ نَ۔کّ)] بچار "پَترونکّ". Synonym: پَتَرینکّ ◊ [(پُ۔تْ۔ رِی۔ نْ۔کّ)] بچار "پُترونکّ". پُتْرینکّ
^ top of page