مل

مل د ملګري معنا ور کوي. مل په ښه او بده دواړو خواوو کي استعماليږي. يو څوک چي په ښه کار کي د يو چا ملګری سي، نو هم مل بلل کيږي او که په بده لار کي ملګري ور سره وکړي، نو د بدۍ د مل په نامه د قومي نرخ له خوا ټاکلې سزا ور کول کيږي. کنايتاً بد ملګري ته شيطان هم وايي. ښه عمل د لاري مل بلل کيږي. په اولسي نرخ کي د يو محرم مل هم مجرم بلل کيږي او د جرم په تناسب تر اصل مجرم وروسته مل ته هم په دوهمه درجه مجازات ټاکل کيږي. په يوه ټاکلې مسئله اصلي فاعل او مل د جرم د وقوع عاملين بلل کيږي او کله چي مرکه شروع کيږي، نو مرکچيان پوښتنه کوي چي مل ئې څوک وو.