مخ توری

هغه سړی چي اخلاقي جرم ئې کړی وي، مخ‌توری بلل کيږي. په عام ډول هر مجرم تور دئ، خو په خاص ډول هغه مجرم چي د بدناموسۍ د جرم مرتکب ګرځېدلی وي، مخ توری بلل کيږي. بې‌دينه او ديني مقرراتو ته بې‌پروا سړي هم ته د مخ توري خطاب کيږي په عام ډول مخ توری کېدل د زنا فعل ته وايي، نو کنايتاً مخ توری و زاني ته ويل کيږي، مثلاً وايي: هر تور به سپين سي، خو د مخ توري سپينېدل نه کيږي. قبيلوي نرخ هم دغه حکم د زاني په باب کوي، ځکه د هغه نه ننواني قبليږي، نه ئې مرکه کيږي او نه بخښل کيږي، بس يوازي چاره د مخ توري له پاره دا ده چي ووژل سي؛ دا نو که د مدعيانو له خوا ووژل سي، پور نه لري او که ئې خپلوان مړ کړي، د پور څخه خلاصيږي.