Pashto Terminology of Pashtun's Tribal Customary Law and Usages [by M. I. Atayi; digit. Shamsullah Aryan]
آ ا ب ت ج خ د ر ز س ش ض غ ق ل م ن ه و ي ټ پ څ چ ډ ړ ږ ژ ښ ک ګ
شا شر شل شم شو شي
شار

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

شارۍ

بالبداهه شعر ته شارۍ وايي. په خوست، ځدراڼو، منګلو او وزيرو کي شارۍ په مجلسونو او د خوښۍ په محافلو کي ويل کيږي. دا اکثراً سوال او جواب وي چي د دوو شاعرانو تر منځ ويل کيږي. په (بنو) کي شارۍ په مرکو او جرګو کي هم ويل کيږي، غالباً دا به هم هغه وخت وې چي د جرګې او مرکې پرېکړي قبولي سي او خوښۍ منځ ته راسي. شارۍ يو آزاد شهر دئ، د قافيې قيد هم ډېر نه لري او د بيت وزن ئې زياتره په آواز (ترنم) سره برابر وي. د قبيلوي لويو او تاريخي جرګو پېښي شارګرانو په شاريو کي اچولي او د خوښيو په بانډارونو کي اورېدل کيږي. دغسي شارۍ تر اوسه د يوه نسل څخه بل نسل ته سينه په سينه نقل کيږي.
Source: [د کتاب نوم: د پښتني قبيلو اصطلاحي قاموس (حقوقي- جزايي- تعاملي)؛ ليکونکی: کانديد اکاډميسن محمد ابراهيم عطايي؛ چاپوونکې اداره: د پښتو څېړنو نړيوال مرکز کابل؛ د چاپ کال: ۱۹۷۸ز.؛ ډيجيټل کوونکی: شمس الله آرين، قاموسونه ټکی کام ۲۰۲۰ز.]