غولی

غولی د سرای صحن ته ويل کيږي، خو په اصطلاح هغه لاره ده چي تور (مجرم) ئې د تعاملي قانون سره سم د ځان د مصؤنيت له پاره جوړوي. داسي چي يو تور کله تر تعقيب لاندي وي، هغه د اصل محل څخه حرکت کوي او د قبيلې د يوه ټاکلي سړي د کور تر مخ پسه حلالوي، بيا نو د دغي کورنۍ ساتنه کي واقع کيږي. بله پلا بيا له دغه ځايه حرکت کوي، د يوه کور مخ ته پسه حلالوي او په ترتيب سره چي په لاري کي د هري کورنۍ د کور تر مخ پسه حلالوي، نو د هغې کورنۍ په مصؤنيت کي واقع کيږي، دغي لاري ته غولی وايي. په غولي کي څوک له مدعي څخه غچ نه اخلي، خو دا کار بايد په ډېر احتياط او پاملرنه وسي او که يو ګام چپ کښيږدي، د مدعي د خوا حمله پر کيږي.