Pashto Terminology of Pashtun's Tribal Customary Law and Usages [by M. I. Atayi; digit. Shamsullah Aryan]
آ ا ب ت ج خ د ر ز س ش ض غ ق ل م ن ه و ي ټ پ څ چ ډ ړ ږ ژ ښ ک ګ
سا ست سر سل سم سو سي سټ سپ
سار ساز ساه

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

ساري

ساري د برابر او مساوي په مفهوم راځي. د تعاملي قوانینو په وړاندي نراو ښځه ساري دي. بدله د ساري په قانون اخیستل کیږي. د پښتو په شفاهي داستان کي د ولیجان او موسی جان داستان د ساري ښه مثال وړاندي کوي. کله چي چي وليجان د لوي خان سهیلي په تحریک د یوې زرې ښځي له خوا مسموم کیږي نو د مرګ پر وخت خپل زوی ته وصیت کوي چي زما ساري واخله. ددې مفهوم دادئ چي زما ساري سهیلي خان دئ. کله چي دده وصیت دده زوی پر ځای کوي هغه په جګړه کي مري او دا وصیت د ولیجان خور پر ځای کوي څو د واده په شپه سهیلي خان وژني او دا ساري پر ځای کوي. په نرخ کي قصاص د ساري په قانون عملي کیږي. مثلاً وايي: سترګه د سترګي او غوږ د غوږ ساري ده. وايي: «ټکرۍ او پټکۍ ساري دي» یعني نر او ښځه مساوي دي. په متل کي وايي: «ساري مي يې خو سیال مي نه يې» معنا د حقوقو له مخي سره برابر یو، خوبه غبرت کي دي زه سیال نه بولم.
Source: [د کتاب نوم: د پښتني قبيلو اصطلاحي قاموس (حقوقي- جزايي- تعاملي)؛ ليکونکی: کانديد اکاډميسن محمد ابراهيم عطايي؛ چاپوونکې اداره: د پښتو څېړنو نړيوال مرکز کابل؛ د چاپ کال: ۱۹۷۸ز.؛ ډيجيټل کوونکی: شمس الله آرين، قاموسونه ټکی کام ۲۰۲۰ز.]