ډبره

ډبره، تیږه او کاڼي یو مفهوم لري او کېدای سي چي د تیږي ایښوولو په عین مفهوم وویل سي « ډبره کښېښول سوه » یعني متارکه وسوه. سربېره پر دغه مفهوم ډبره د وهلو او ژوبلولو یوه آله هم ده ځکه په نرخ کي پور لري. که ډبره د بدن په سپين (لڅ) خوا کي ټپ وکړي نیم پور (۱) او که زخم ونه کړي، نوپور يې یوازي ننواتی او یو پسه دئ. البته ننواتی يې صرف یو پټکی دئ چي پسه به د ملامت له خوا د ځان سره د مدعي کره بیايي. ډبره د تیږي په مفهوم چي د متارکې معنا ورکوي په تیږه کي پوره شرح سوې ده.