وايي چي د کرلاڼ نيکه د درو زامنو څخه يو ټيپه وو، چي د ځدراڼ نيکه بلل کيږي. کله چي کومه پېښه په لويه ساحه کي پېښه سي، نو د بيټي، ټيپي او ټيلو په حساب بېل بېل خېلونه سره يو ځای کيږي او يو د بل سيله کوي. ښاغلی حکم خان چي د خوست دئ او په قبيلوي روابطو کي د معلوماتو خاوند دئ، راته وويل: (اوس د ټيپي حساب چندان نه پالل کيږي، خو کله چي د ګوندي په برخه کي د بيټي او ټيلو حساب راسي، نو هلته د ټيپي په رابطه د کرلاڼي دا درې پلاره سره يو ځای کيږي. په لويو جرګو او مرکو کي د ټيپي پلار يو نماينده لري او هغه د ټيپي د داخل څخه ټاکل کيږي).
Source: [د کتاب نوم: د پښتني قبيلو اصطلاحي قاموس (حقوقي- جزايي- تعاملي)؛ ليکونکی: کانديد اکاډميسن محمد ابراهيم عطايي؛ چاپوونکې اداره: د پښتو څېړنو نړيوال مرکز کابل؛ د چاپ کال: ۱۹۷۸ز.؛ ډيجيټل کوونکی: شمس الله آرين، قاموسونه ټکی کام ۲۰۲۰ز.]