څلی

څلی د قبر شنختي ته وايي، خو د قبيلوي تعاملاتو په برخه کي څلی د هغي تاديې و غبرګېدو ته وايي، چي لومړی ئې د ساز په نامه اخيستې وي او وروسته دغه ساز مسترد کړي او د (وار) په نامه خپل انتقام (غچ) ته چمتو سي. کله چي داسي واورو: (پلانکي څلی ور کړ)، نو د دې معنا دا ده، چي هغه ساز چي ئې د جوړې په وخت کي اخيستی وو، هغه ئې مسترد کړ او په دې پسي نو مدعي په دې پوهيږي، چي تر بريد لاندي دئ. کله بيا د مدعي څخه د وار اخيستلو وروسته څلی ور کول کيږي، خو دا شکل ئې ډېر لږ پېښيږي او که ئې ور هم کړي، نو پړه ور اوړي او تاوان ئې پر ذمه درنيږي.