تيږه ماتوونکی

هغه څوک چي د تيږي د مقرراتو مخالفت وکړي، تيږه ماتوونکی بلل کيږي، په خاص ډول هغه وخت چي د قبيلو تر منځ د جګړې څخه وروسته جرګې تيږه ايښې وي، نو که کوم څوک د هفه فيصلې پر ضد تېری وکړي، مجازات ئې ډېر دروند وي او په لومړي سر کي بايد کور وسوځل سي. دغسي سړی د قبيلې څخه په رټلو (شړلو) هم محکوم کيږي. د نېټې په تيږه کي هم يوه خوا په خپل سر نه سي کولای چي تيږه ماته کړي، بلکي يا ئې د مقابلې خوا په موافقه ماتوي او يا هغه نېټه چي ټاکل سوې وي، په پوره کېدو ئې تيږه ماتيږي. هغه قبيلې چي د تيږي مراعات نه کوي، تيږي ماتوونکي خېلونه بلل کيږي او دا يو بد شهرت دئ.