تولګر

تولګر او نرخي يو مفهوم ور کوي. تولګر د جرګې هغه غړی دئ، چي په تول (قانون) پوه وي. د نرخي او تولګر تر منځ دا توپير يو څه ليدل کيږي، چي د کوچنيو پېښ، له پاره د مرکې غړي تولګر بلل کيږي، خو په لويه مرکه او جرګه کي د نرخي کلمه استعماليږي، لکه په نرخي کي چي دا ضرور نه ده، چي هغه بايد د يو قشري نفوذ خاوند وي، بلکي د قبيلې يو غريب سړی هم نرخي کېدای سي، خو په دې شرط چي د نرخ په ټولو رموزاتو به بلد وي. همدغه رنګه تولګر هم دغسي دئ. هغه څوک تولګر کېدای سي، چي د مرکې او جرګې مقررات ورته معلوم وي.