تور ته د پناه ور کوونکي نېټه

که کوم تور (مجرم) د سپين (خپلوانو) کره ځان پناه کړي، نو هغه کولای سي، چي تر دوو کالو پوري هغه وساتي، خو دوه کاله وروسته بايد دغه تور له خپل کوره وشړي او که دا کار و نه کړي، نو د تور د مدعي د خپلوانو له خوا د پناه ورکوونکو کور سوځل کيږي او مال ئې تالا کيږي. په دغه دوه کاله موده کي هغه څوک چي تور ته ئې پناه ور کړې وي، بايد د سپين‌والي له پاره ئې زيار وباسي او که پر دغه کار موفق نه سي او تور ته نور هم ځای ور کوي، نو دا معلوميږي چي دی د تور سره يو لاس دئ. تور د پناه په موده کي بايد د کوره و نه وزي، کنې وژل کيږي.