تور

تور متهم ته وايي. کوم څوک چي د جرم مرتکب سي، نو مجرم ته تور وايي. تور تر تعقيب لاندي وي او کولای سي، چي د ننواتي په وسيله جرګه جوړه کړي او مقابل طرف ته په ناغه ور کولو سره بيرته ځان سپين کړي. په ځينو قبيلو کي تور ته پناه ور کوي، د تور په جرم کي اشتراک کولو ته هم وايي، خو قبيلوي عرف چا ته اجازه نه ور کوي، چي کوم تور د چا کور ته پناه يوسي او دښمنان ئې د پناه په کور کي ووژني يا تاوان ور ورسوي. هر متهم تور دئ، خو که تور په لاحقه د مخ کلمه سره ملګرې سي، نو په اصطلاح کي تور مخی (زائي) دئ، چي ننوات او پناه ئې نه قبليږي او بايد سمدستي ووژل سي.