منکر

منکر انکار کوونکی دئ؛ په قبيلوي قانون کي منکر ته قسم کيږي او پر منکر که د جرم اثبات وسي، نو سزا ئې د نرخ سره سمه زياتيږي. يو سړی که د جرم له وقوع سره اقرار ور کړي او د نرخ مقررات ومني، هغه ته د سزا دروندوالی هم سپکيږي، خو که انکار وکړي، نو سزا ئې زياتيږي او که پر انکار پسي ټينګ سو، نو هر څومره چي په انکار کي وخت پر تېريږي، په هغه تناسب ئې پر تاوان هم زياتوب راځي، منکر يوازي په لوړه او قسم هم نه سي خلاصېدلی، بلکي تر قسم پخوا د پېښي او شهود په مرکه کي تر غور او بحث لاندي نيسي او که ټولي لاري بندي وي، نو بيا منکر ته قسم ور کول کيږي.