په پښتو قاموس کي مونجی د چملک اوبينيپچق په معنا راغلی دئ، خو په اصطلاح کي کوم څوک چي په جګړه کي ئې پزه ماته سي، هغه مونجی بولي. په نرخ کي مونجی تاوان لري، چي د تېري کوونکي څخه اخيستل کيږي. په اور کي د يو چا اچول، چي اندامونه ئې سره را ټول سي، دې ته هم مونجی وايي. د زرملي په سلېمانخېلو او خوازکو او داسي نورو قبيلو کي مونجی کول د بدلې په قانون په مرګ تلقي کيږي، ځکه چي يو مونجی سړی په هغه مفهوم چي اندامونه ئې سره ټول سي، د مړو په حساب راځي، نو ځکه تاوان ئې هم د يوه انسان د پوره خون سره برابر ګڼل کيږي.
Source: [د کتاب نوم: د پښتني قبيلو اصطلاحي قاموس (حقوقي- جزايي- تعاملي)؛ ليکونکی: کانديد اکاډميسن محمد ابراهيم عطايي؛ چاپوونکې اداره: د پښتو څېړنو نړيوال مرکز کابل؛ د چاپ کال: ۱۹۷۸ز.؛ ډيجيټل کوونکی: شمس الله آرين، قاموسونه ټکی کام ۲۰۲۰ز.]