مور

د اولادونو زېږوونکې ښځه مور ده، مور دروند او محترم مقام لري. مور د کورنۍ مشره ده او تر پلار را لاندي مقام لري. په عامه اصطلاح هره ښځه چي اولادونه لري يا ئې زېږېدلی نه وي او په عمر پخه وي، ټولو ته د مور حيثيت لري. که يو سړی سپين‌سري ښځي ته بد خطاب وکړي، نو نور وايي چي مور ته ئې په بده سترګه وکتل. که يوه مور د زوی له لاسه سپين‌ږيرو ته شکايت وکړي، نو هغه بې له دې چي د هغه خوله وپوښتي، ملامت ئې بولي، ځکه د مور مينه دا هيڅ کله نه قبلوي چي د زوی په بده دي رواداره سي، کله چي په يوه ټاکلې پېښه کي د شاهدي ضرورت وي، نو د زوی په باب د مور نظر او شاهدي د قبول وړ نه بلل کيږي.