to main page
Sayed Ganj Balochi Glossary [Sayad Zahoor Shah Hashmi]

بڈ

  1. [(بَ ڈْ ڈ)]
    مردم ءِ پُشت کہ پشتی نیمگ ءَ بَردستانی ءُ پھلوگانی سربُر ءِ بھر اِنت کہ چہ سْرین ءَ برز اِنت - بار،لَڈّ اِتگیں بار بلے بَڈّ پہ مردم ءَ بیت ءُ بار پہ اولاک ءَ - ا ک: بارے دار بزاں اولاکی بارے ، بَڈّے دار بزاں مردم ء بَڈّے - ھمے رنگ ءَ بَڈّے پیش ،بَڈّے کاہ ،بَڈّ ءُ بار ،باز: پلانی ءَ بَڈّے بگلے دْرھبات بہ گْوش یا کہ پلانی,, بَڈّ ءُ بار ،،اِنت. ٢-جُگ ءِ بَڈّ: جُگ ءِ ھمے جاگہ کہ شیر بستگ (شیر سادے )٣-مید ھما گیماں گْوش اَنت کہ ٹُکّر ٹُکّر کن اَنت ءُ دریا ءَ ریچ اَنت اش کہ ماھیگ پہ ھمیشانی ورگ ءَ بیا اَنت ءُ جَم بہ بنت کہ پہ آیاں ایشانی گِرگ آسان بیت ،بَڈّ ریچگ یا کہ بَڈّ ءِ ریچگ: بزاں گیماں ٹُکّر ٹُکّر کنگ ءُ دریا ءَ ریچگ - بَڈّ ء َبندگ :بَڈّ ءِ سر ءَ بندگ، ڈُبّہ ءَ زیرگ ،میار کنگ - بَڈّ ءُ بار بیگ: سکّ بار بَیَگ -بَڈّ ءَ بَیَگ: بَڈّ ءِ سر ءَ بَیَگ - چُک یا چیزّے ءِ بَڈّ ءَ بَیَگ بزاں کسے ءِ بَڈّ ءِ سر ءَ بیگ ،چُک ءَ اگاں کوپگ یا کشگ ءَ کن اَنت ھم گْوش اَنت کہ,, بَڈّ ,,ءَ اِنت -بَڈّ ءِ پچگ: بزاں سوچگ پہ واری دیگ ءِ ھاتر ءَ -بَڈّ ءِ تْرنکگ: تْرند بیگ - بَڈّ ءِ تْرنگینگ: تْرُند کنگ - بَڈّ ءِ ٹِنگرَگ: سک تْرُند بیگ -بَڈّ ءِ ٹنگرینَگ: تْرُند کنگ - بَڈّ ءَ جنگ: یکپارگی چست کنگ ءُ بَڈّ ءَ کنگ - بَڈّ ءِ چِنَگ: پہ مگراز بُرّگ ،پہ واری دیگ ءَ - بَڈّ ءِ رَجگ ، بَڈّ ءِ دُزّگ: بزاں بَڈّ ءِ نَزّ چِنَگ - بَڈّ ءِ دْرنزَگ: بزاں چنڈگ -بَڈّ ءِ رودینگ: پزّور بَیَگ ،زنڈ بیگ -بَڈّ ءِ ریچگ: گیم ءِ ٹُکّر کنگ ءُ ریچگ -بَڈّ ءِ سُچگ: سوکیگ بیگ چو کہ لاپ ءِ سُچگ - بَڈّ ءِ سوچگ: پہ واری دیگ ءَ کسے ءِ بَڈّ ءَ پہ پیش یا پِڈّ سوچگ - بَڈّ ءِ شِنَگ: انچوش جنگ کہ چو شِتگیں پیش ءَ راڑ راڑ بہ بیت - بَڈّ کنگ: بار کنگ ،لَڈَگ - بَڈّ ءَ کنگ: وتی جند ءَ لَڈَگ ،وتی جند ءِ بَڈّ ءَ زیرگ ،بَڈّ ءَ جنگ - بَڈّ ءَ کپگ: کسے ءِ بَڈّ ءَ کپگ بزاں آئی ءَ پہ دسبندی یا پہ زور پہ کارے ءِ کنگ ءَ پرمایگ ،پہ کارے ءِ کشّگ ءَ کسے ءِ رند ءَ بیگ ءُ کڈّن کڈّن کنگ.
    Synonym: بَڈّ
  2. [(بُ ڈّ)]
    بُڈّگ ءِ جند ،یک رندے ءِ بُڈّ ورگ ءِ جند,, بُڈّگ,, ءِ پرمانگال بزاں بہ بُڈّ ٢-ھشتی لیب ءِ چاریں کلاتانی دیم ءِ ھشتیں کلّاں بُڈّ گوش اَنت باز جاگہ ءَ ایشاں بُڈّی ھم گْوش اَنت.
    Synonym: بُڈّ
  3. [(بِ ڈّ)]
    بھتام ، ملنڈ ، ایلنگی ، بِڈ بندگ: ایلنگی دیگ ، بھتام بندگ.
    Synonym: بِڈّ
^ top of page