مچ

1. [(مِ چْ)]
   بہ مِچ،بزاں مِچگ ءِ کار ءَ بکن.
   Synonym: مِچ
2. [(مَ چْ چْ)]
   دْرچکے کہ آئی ءِ بَر کلونٹ ءُ ناه اِنت،ایشی ءِ زات باز اَنت-مچ یک برے کوکر بند اِیت پد ءَ کوکر ءَ در کار اِیت(زاهر بیت)پد ءَ کوکر تْرکّ اِیت‌-اِے وهد ءَ گُش اَنت کہ مَچّ ءَ جتگ،نوں گُش ئِے کن اَنت پد ءَ سبز اِیت بزاں پَپُک بند اِیت پد ءَ شِنگ اِیت بزاں پَپُک بیت پد ءَ تُرّکی بیت بزاں پَپُک دست ءَ ترّ اِیت نوں پَپُک دار بیت پد ءَ گَڈّگ بیت پد ءَ گْور رنگ بیت پد ءَ گْواهی دنت رنگ ءِ پد ءَ سبز ءَ سْراپ اِیت بزاں سبزی ءَ گار کنت نوں کلونٹ اِنت بزاں برابر رنگ انت پد ءَ دریپّانچ بیت بزاں ٹِکّ کپ اِیت نوں بُرّگی بیت-مَچ گُش:فروری،پَپُک گیشّ اِیت:ایرپل،رنگ ءِ گْواهی:مئی ، ٹِکّ کپ اِیت:مئی؟ناه بیت:جون،روپ ءُ شان:جون جولائی ،بُرّ بیت:اگست،هراب نہ بیوکیں ناه"حسینی"اِنت-شیرگ چہ"دِشتاری ءَ گِرگ بیت ءُ پہ جْوانیں ناواری هم دِشتاری ءَ کن اَنت-پاچالهیں مَچ"بیگم جنگی ءُ هَلینی"اَنت-مَچّ سَیمی سال ءَ کار اِیت بزاں بَر کنت-مَچ کِش ءِ موسم ءَ یکّے"فروری‌"اِنت ءُ دومی "جنوری"سَردیں مُلکاں مَچّ رند ءَ کار اَنت ءُ رند ایرهت بیت-سَرداوگیں مُلکاں دانکہ اکتوبر ءَ هم تَرّیں ناه رس اِیْت.
   Synonym: مَچّ
3. [(مُ چْ چْ)]
   باز،یکجاه،پنجگے-مُچّے کاه بزاں پنجگے کاه-دست یا پاد ءِ مُچّ.
   Synonym: مُچّ