to main page
Sayed Ganj Balochi Glossary [Sayad Zahoor Shah Hashmi]

کر

  1. [(کَ رْ رْ)]
    ھما کہ نہ اشکنت چہ گوشاں کَرّ اِنت ، ٢- گوش ءِ کَرّ بزاں ٹُنگ ءِ تہ ، کَرّانچ ، کَرّی ، کَرّانچک.
    Synonym: کَرّ
  2. [(کِ رْ رْ)]
    کش، گْور، دیم یا نیمگ، کنارگ، نزّیک، کِرّگ ءِ پرمانگال.
    Synonym: کِرّ
  3. [(کُ رْ رْ)]
    شیوار ، ھر ءِ گوش کُرّ اَنت بزاں ھر ءَ وتی گوش لک کرت ءُ دیم ءَ توسْک کُرت اَنت ،٢- گْونڈ گوش ، کرّ گوش : بُرّ اِتگ گوش یا جنین ءِ بے سُھریں گوش ، گونڈ گوشیں سیاہ پس ، گْونڈ ٣- گوک ءِ پُٹ ، مود ، مید ، پُٹ.
    Synonym: کُرّ
  4. [(کَ رْ)]
    چنگ ءِ مُکاماں چہ یکّے.
    Synonym: کر
  5. [(کِ رْ)]
    ماھیگے ، کِر کڑا بزاں کسانیں کِر.
    Synonym: کِر
  6. [(کُ رْ)]
    پارسی ءَ بٹّ ءَ گوش اَنت ، بلوچی ءَ ھما بَٹّ ءَ کہ کوھل کرتگ بزاں روگن ءُ دگہ چیز ئِے مان نیست ءُ تھنا پہ آپ گراستگ,, کُورّ,, گْوش اَنت ، ایشی ءَ,, کورک,, ھم گوش اَنت.
    Synonym: کُر
^ top of page