[(آپ ـ ب ـ یَگ)]
چو آپ ءَ بیگ، آپینک بیگ، بَد اِتگیں چیزے ءِ آپ بیگ، آپ ءِ ھست بیگ، اک: پلاں جاگہ ءَ آپ ھست، اِے کور ءَ آپ بیت ـ (۱) دل ءِ آپ بیگ، جگر ءِ آپ بیگ، زھرگ ءَ آپ بَیَگ: چہ تُرس ءَ (۲) تیل یا روگن ءِ آپ بیگ: بزاں آس ءِ سر ءَ یا روچ ءِ سر ءَ ایر ئِے کن ئے پچ بیت ءُ آپ بیت. (۳) کَتر ءُ تْرونگل ءِ آپ بیگ (۴) نُگرہ، تَنگو (تلاہ) ءِ آپ بیگ: کہ زرگر آپ ئِے کنت یا دگہ انچیں چیزے ءِ ـ (۵) تِلک گْوزی لیب ءَ آپ بیگ: بزاں باز „ بیلاں „ رَوَگ (۶) بوجیگ ءِ آپ بیگ: بزاں چہ ھُشکی ءِ سر ءَ تِیلگ ءُ داں ھمنچک ءَ دریا ءِ تہ ءَ بَرَگ کہ تْرپّل بہ بیت (۷) دپ ءُ آپ بیگ: بزاں یک مردمے گوں دگرے ءَ سَکّیں بدی یے بہ کنت پد ءَ ھما مردم ءِ گْور ءَ پہ کار سْواری ءَ بروت، گْوش اَنت: ایشی ءَ دپ ءُ آپ بیت کہ پلانی ءِ گْور ءَ چیزے بہ لوٹ اِیت ـ (۸) آپ ءُ لاپ بیگ: بزاں سیر بیگ، نَپ ءُ سِیتّ ءِ رَسگ (۹) گوشت ءِ آپ بیگ: چہ تُرس ءَ بلے گیشتر پہ کُکّڑ ءُ پس ءَ گْوش اَنت ـ اولاک ءَ در کار ئے ھم یکبرے آئی ءِ گوشت آپ بیت لاگر ترّ اِیت (۱۰) سبزی ءُ کاھُک ءِ آپ بیگ؛ بزاں سکّ باز ئِے گْراد ئے آپ بیت (۱۱) ڈگار ءِ آپ بیگ: بزاں پُر بند بیگ (۱۲) ھون ءِ آپ بیگ ـ نہ بیتگیں کارے ءِ بیگ (۱۳) ھون ءِ آپ بیگ: نادْراھی یے کہ مردم ءِ ھون آپ ترّ اِیت (۱۴) پیگ ءِ آپ بیگ: چہ شُد ءُ کم وردی ءَ.
Synonym: آپ بیگ