تک

1. [(تَ ک)]
   پَتنیں چیزے ءِ یک مزنیں ٹُکّرے یا کہ آئی ءِ پھنات انچوش کہ : چادر ءِ تک ، پشک ءِ تک ، زمین ءِ ٹُکّر ،، تکے زمین ،، تک تک ءُ راڑ راڑ بزاں ٹُکّر ٹُکّر ۔ دوتک ءُ راڑ ، تک ءُ راڑ ، تیچّ ءِ یک راستے . پلانی ءِ تک نہ چنڈ اِیت بزاں آئی ءِ چادر یا کہ آئی ءِ کَش نہ چنڈ اِیت : آئی ءَ بھ پرواہ نیست ، گْوپتگیں ملگور ۔.
   Synonym: تَک
2. [(تَ کّ)]
   پہ جَتکی کالک گْوپتگیں سکّیں زبریں تگرد کہ چو جُلّ ءَ بز اِنت ۔.
   Synonym: تَکّ
3. [(تُ کّ)]
   لِبز ، دپ ءِ آپ یا لیتار ،تُک جنگ : لِبز جَنگ ، تُو نام ھُدا کنگ ، بے اِزّت کنگ ، نہ وشّ ءُ گَندہ تامیں چیزے ءِ ورگ ءَ رند تُکّ کنگ یا لِبز کنگ ءُ ریچگ ۔تُکّ کنگ : چیزے جایگ ءَ رند ایر برگ ءِ بدل ءَ چہ دپ ءَ ریچگ۔پیشّ ءِ تُکّ کنگ : پیشّ ءِ تاکانی کِرّاں کمّیں دیر کنگ ءُ ھملسون کنگ ۔.
   Synonym: تُکّ
4. [(تُ کّ)]
   تُک کنگ : دازیں پیشّ ءِ کش ءَ بارگ بارگ دیر کنگ کہ ھمیشان پڈّ گوش اَنت ۔.
   Synonym: تُک
5. [(تُ کّ)]
   سیچن ءِ ٹُنگ کہ بندیک مان کشّگ بیت ،، تُمک ،، باز مردم ،، تْرِکّ ،، ءِ گال ءَ ھم تُکّ گوش اَنت ۔ انچوش کہ ،، بے تُک ءُ توار،، بلے اے ندکاری نہ اِنت باید اِنت کہ ،، تْرِک ءُ توار ،، گوشگ بہ بیت بچار ،، تْرِکّ ،،.
   Synonym: تُکّ
6. [(تُِ کّ)]
   تْرِک ، تْرکگ ءِ توار ، تُکّ ءُ توار ۔ اے گال ءِ راستیں گالوار ،، تْرِکّ ،، اِنت بلے بلوچستان ءَ باز جاگہ ءَ ،، ر ،، ءِ توار ءَ گالاں نہ کشّ اَنت یا کہ چو کہ ،، ل ،، ءَ گوش اَنت ئِے انچوش کہ : ،، برادل ، استال ، بزاں ،، برادر ، اِستار ،، ھمے رنگ ءَ تْرِکّ ءِ ،، ر ،، ءَ دَر اَنت ءُ ،، تُِکّ ،، گوش اَنت ۔ گال ،، تْرِکّ ،، وانگ ءُ نبیسّگ لوٹ اِیت ۔.
   Synonym: تُکّ