to main page
Sayed Ganj Balochi Glossary [Sayad Zahoor Shah Hashmi]

تر

  1. [(تَ رْ)]
    چِمِرْ ، چہ مید ءَ جوڑ کرتگیں منگَلے کہ چو گْرنّزیگ ءَ مستین ءُ گهگیریں لیڑوانی گْرانز ءَ دَیَنت ئِے - « تَر » ءِ گال ءِ سُبکوان کہ دگہ گالانی بُنگیج ءَ هور بیت : تَروَران ، تَر تْرامبل.
    Synonym: تَر
  2. [(تِ رْ)]
    تِمِر : سولے کہ دریاءِ دپ ءَ ماں سٗورگیں ءُ کَلّڑیں زمین ءَ رُد اِیت . دریاءِ سوریں آپ ایشی ءَ هچ نہ کنت - بلکیں شَرتر پاد ئِے کنت - هٗورانی دپ هم باز بیت . اے سول سَکّ نازُرک اِنت پرچا کہ سٗورگ اِنت اے سَکّ باز رُد اِیت اُشتر ئِے وارت . چیزے کہ سَکّ باز بیت گْوش اَنت : "تِر جنگل اِنت" یا کہ "تِری جنگل اِنت " باز مردم ایشی ءَ "تِرّی جنگل "گْوش اَنت کہ پَهک رَد اِنت - چہ ایشی ءِ نازُرک ءُ بے زوری ءِ سبب ءَ پہ دَر دَر گْوش اَنت " پِلانی تِر ءِ رَگ ءَ داشتگ " یا کہ " پلانی ءِ تِراں تَپر نہ گُڈّ اِیت " اد ءَ پہ نہ زانتکاری مردم اے گال ءَ « تِرّ » گْوش اَنت کہ پهک رَد اِنت . گال « تر » اِنت.
    Synonym: تِر
  3. [(تِ رْ)]
    دو چیز کہ دیم پہ دیم کنگ بیت ءُ چہ یکّے ءَ دومی شرتر گْوشگ بیت ، گڑا آئی ءِ گلا گال ءِ رند ءَ همے « تِرْ » ءِ گال گیش کنگ.لوٹ اِیت - اک : شَرّ ، شَرتر ، بُرز ، بُرزتِر ، پْراه ، پْراه تر ، اے چہ آئی ءَ شَرتر اِنت.
    Synonym: تِر
  4. [(تُ رْ)]
    بچار « تُرّ ».
    Synonym: تُر
  5. [(تَ - رّ)]
    چیزے کہ هُشک نہ اِنت بزاں آپ یا آپینک ئِے سر ءَ اَتکگ - پُلّ اِتگیں - "تَرّگ "ءِ پرمانگال بزاں" بہ تَرّ ".
    Synonym: تَرّ
  6. [(تِ رّْ)]
    تَواری گْوات کہ چہ لاپ ءَ در کیت چہ دَراهی ءِ راه ءَ.
    Synonym: تِرّ
^ top of page