to main page
Sayed Ganj Balochi Glossary [Sayad Zahoor Shah Hashmi]

پکگ

  1. [(پَ کْ. کَ گْ)]
    "پچگ" ءِ گْوستگال.
    Synonym: پَکّگ
  2. [(پِ کْ. کَ گْ)]
    پہ چیزے ءِ لوٹگ ءَ پہ کستری ءُ دسبندی سکّ باز رند ءَ گْوشگ، پہ کارے ءِ کنگ ءَ کسے ءَ دمپسات ءُ پد ماں پد گْوشگ، ایشی ءَ "نَکّگ" ھم گْوش اَنت.
    Synonym: پِکّگ
  3. [(پُ ک گْ)]
    مانچنگ، درپے کہ چہ آرتینک، دانینک یا دگہ انچیں چیزے ءَ پُرّ اِنت پہ زور آئی ءِ تہ ءَ دگہ گیشتر مان کنگ ءُ جاگہ دیگ ءِ جُھد کنگ.(2) پہ گیشیں ورگ یا پہ زھر کسے ءِ وَرَگ ورگ ءَ ھم گْوش اَنت. گْوش اَنت: وت ءَ "بہ پُک" یاکہ "پُک اِیت" بزاں وارت یا "بہ ور" (3) تْرکّگ.
    Synonym: پُکگ
  4. [(پُ کْ. کَ گْ)]
    تْرکّگ، سک باز مان چِنَگ. پہ کُپّگ ءُ گْوات گِرگ ءَ ھم کارمرز ئِے کن اَنت.
    Synonym: پُکّگ
^ top of page