to main page
Sayed Ganj Balochi Glossary [Sayad Zahoor Shah Hashmi]

پشگ

  1. [(پَ شْ شَگْ)]
    پَچَگ، ھامگیں چیزے ءِ پُھتو بیگ ءَ رسگ اک: نیبگ ءِ پشّگ، نان ءِ پشّگ، بتل: دل کہ نہ کشّ اِیت نان ماں تاپگ ءَ نہ پَشّ اِیت. لچہ: یا انارے کہ ھپتگاں پشّ اِیت. رنگ ءِ پشّگ: رنگ ءِ پَچ دیگ بزاں رنگ ءِ تْرپگ ءُ رنگدار بیگ.پَشّہ: بزاں پُری، ھمے ٹانگوئیں بالو کہ دْراجیں سُنٹے پِر اِنت ئِے کہ چو سیچّن ءَ مردم ءَ گُت ئِے دنت ءُ ھون کش اِیت. اے چہ آپ ءِ تُگ ءَ تْرکّ اِیت ءُ درکیت.
    Synonym: پَشّگ
  2. [(پُ شْ شَگْ)]
    چہ ٹنگے ءَ سبکّ سبک ءَ گْواتے ءِ درآیگ، "پُشّ" ءِ رنگیں توارے کنگ. پوشّگ ، گواتے ءِ پوشّ کنگ ءُ درآیگ پونشگ، چہ گْریوگ ءَ رند یاکہ بے تواریں گْریوگ ءَ چہ پونز ءَ "پونش پونش" ءِ توار ءِ درآیگ، چہ پشّانک ءَ ھم انچوش بیت کنت.
    Synonym: پُشّگ
^ top of page