to main page
Sayed Ganj Balochi Glossary [Sayad Zahoor Shah Hashmi]

ابا

  1. [(اَ۔بَا)]
    اِے گال بُندر ءَ "اَبّا" اِنت کہ سُبک وان ءُ "اَبَا " کنگ بوتگ ۔۔ چہ وتی بُندریں بزانت ءَ ابید باز بزانت دَنت ۔۔ اِے پہ گپّ ءِ تامدار کنگ، اجکّھی، بھمانگی، باھندی ءِ رنگ ءَ گپّ ءِ بُنگیج ءَ یا گُڈ سر ءَ کارمرد بیت ۔۔ انچوش کہ : ھاں اَبا!! کُجا اَبَا!! اَبَا میگی گّپّے نہ اِنت!! اِے گال ءَ گْونڈیں چُکّ ھم کارمرد کن اَنت ۔۔ انچوش کہ : اَبَا ما نیائیں گوں! اَبَا مارا کار نیست! پہ وتی گَپّ ءِ راستی ءِ پُرسگ ءُ گْواھی گِرَگ ءَ " اَبَا انچوش نہ اِنت؟ " بیزاری ءِ رنگ ءَ : اَبَا شما وَت زان اِت وتیگ ءَ ! پہ لاچاری ءُ بَھمانگی : بیا اَبَا نی شَرّ اِنت! تَژن : تو اَبَا مرچاں میگی نئے! راستی ءِ گُشگ : اَبَا کونڈانی جاگہ دِل ءِ سر اِنت.
    Synonym: اَبَا
  2. [(اَبْ ۔ بَا)]
    چُکّ ءِ مات ءِ لوگواجہ کہ چُکّ چہ ھمے لوگواجہ ءَ بہ بیت ۔۔ مات ءِ لوگواجہ کہ چُکّ چہ ھمیشی ءَ بہ بیت ۔۔ پِت، پِسّ ، پہ دوستی ءَ "بابا" "بابو" پِت ھم پہ دوستی ءَ وتی چُکّ ءَ "اَبَّا" گْوش اِیت ۔۔ جْوانیں مردم ھر گْوندیں چُکّ ءَ "اَبَّا " گْوش اَنت.
    Synonym: اَبَّا
^ top of page