مسافر

هغه سړی چي د کور او وطن څخه پر بله خوا تللی وي. مسافر چي نورو سيمو او قبيلو ته ور شي، هلته د مېلمه په حيث د مېلمه د ټولو حقوقو خاوند دئ. په خپله قبيله کي د مسافر کور که څوک هم نه لري، د قبيلې په ټوله حفاظت کي وي، که د مسافر دروازې، دېوال، کږدۍ، کوډۍ يا کوډخۍ ته څوک ور رسوي، نو سربېره پر تاوان د مسافر د شرم په نامه هم بايد څه تاديه ور کړي. په لوېديځه خوا کي وايي: «د مسافر عزيز، سپي ته به هم چغه نه وايې!». مسافر چي راسي، بايد ټوله قبيلوي خپلوان ئې مېلمه کړي، خو مسافر به هم دوی هر يوه ته سوغات ور کوي.