داښوان ته بټياری وايي. بټۍ داښ دئ او بټياری داښ وان دئ. بټياری هم په قبيلوي اشرافيت کي کښته مقام لري. په متل کي وايي: (چي مور ئې بټيارۍ وي، زوی ئې نه فتح خان کيږي). بټياران هم په قبيلوي ټولنه کي د جولا او آهنګر په کتار کي راځي او دوی د قبيلې د اصلي خلکو سره کفونه بلل کيږي. په قبيلوي ټولنه کي کېدلای سي، چي يو د قبيلې سړی د بټياري ښځي سره يو ځای سي، خو د قبيلې ښځه و بټياري ته نه سي واده کېدلای. قبيلوي اشرافيت هغه قبيلوي سړی چي د پلار له خوا اصلي قبيلې ته منسوب وي، خو مور ئې بټياری هم خام بولي.
Source: [د کتاب نوم: د پښتني قبيلو اصطلاحي قاموس (حقوقي- جزايي- تعاملي)؛ ليکونکی: کانديد اکاډميسن محمد ابراهيم عطايي؛ چاپوونکې اداره: د پښتو څېړنو نړيوال مرکز کابل؛ د چاپ کال: ۱۹۷۸ز.؛ ډيجيټل کوونکی: شمس الله آرين، قاموسونه ټکی کام ۲۰۲۰ز.]