خوله کږول

هغه بې وسه سړی چي په بدي اخته سي او د بدۍ توان و نه لري، نو د مرستي دپاره د خپل خېل او قبيلې نورو ته مراجعه کوي، دې ته نو خوله کږول وايي. کله چي کوم څوک دغسي کار وکړي، نو وايي چي خوله ئې کږه کړه، د هغه سره حتماً مرسته کيږي او وايي: (پلانکي خوله کږه کړه او خپل کام ئې په پله ودرېدئ). په عام ډول خوله کږول د قبيلوي غرور څخه ليري کار بلل کيږي، نو ځکه داسي کار په ندرت کيږي او که څوک داسي کار کوي، د هغه له قبيلوي عزت څخه کمی راځي. ډېر ځايه چي چا خوله کږه کړې وي، نو هغه په خپل کار کي بريالی سوی هم نه وي.