خوله

خوله د خبري او ژبي سره يو مفهوم لري. وايي: (خوله ئې را سره کړې ده)، يعني وعده ئې را سره کړې ده. د خولې څخه ګرځېدل د مېړاني طريقه نه ده، څوک چي خوله کوي بيا نه ترې ګرځي. د خولې سره لکه د ژبي او خبري سره چي د ښه او بد کلمات ملګري کيږي، هم راځي. مثلاً وايي: (پلانکی د بدي خولې خاوند دئ). (په مرکه او جرګه کي بايد خوله سمه وښوروي)، يعني سمي خبري وکړي. په مجازي ډول خوله د خبرو معنا هم ور کوي، مثلاً وايي: (پلانکي په مرکه کي خوله نه ښوروله)، يعني خبري ئې نه کولې. (يا ئې خوله چابکه، چابکه ښوروله)، يعني چي ژر، ژر ئې خبري کولې. د خولې د ښورېدو د مرکې يادونه چي کيږي، مو معنا ئې دا ده، چي هغه مرکه چي دواړي خواوي خبري پکښي کولای سي.