احمدزی پور

احمدزي يوه قبيله ده، چي د سلېمانخېل، خېل بلل کيږي. د دې قبيلې مرکه ډېره درنه بلل کيږي او فيصله ئې نه ماتېدونکې ده. د دغسي قبيلې پور هم دغومره سخت دئ. په پښتني قبيلو کي دا په حقوقي ساحه کي يوه جدي قبيله ده او د مرکې دروند‌والی ئې د قضاوت پوخوالی ښيي او که بدي ور سره وسي، نو د خپل پور پرېښوونکې هم نه ده. په عامه اصطلاح کي وايي، چي د احمدزي پور نر دئ، معنا دا چي احمدزي کوم وخت پر چا پور ولري، نو د نرخ د ټولو مقرراتو سره د هغه پرېښوونکي نه دي، خو په پور اخيستلو کي يو ګام هم چپ نه ايږدي او پور په حساب اخلي.