Pashto Terminology of Pashtun's Tribal Customary Law and Usages [by M. I. Atayi; digit. Shamsullah Aryan]
آ ا ب ت ج خ د ر ز س ش ض غ ق ل م ن ه و ي ټ پ څ چ ډ ړ ږ ژ ښ ک ګ
نا نر نغ نن نه نو ني نې
ناغ نام ناو ناي

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

نايک

قبيلوي مسلح مړي ته نايک هم ويل کيږي، په مغولي دوران کي شريف او اصل‌زاده ته نياک ويل کېدی (۱) او کېدای سي چي دا کلمه دي له هغو وختو څخه پاته سوې وي. استاد پوهاند رشاد په خپل يادداښت کي وايي چي په مغولي دوران کي هم دغه لغت (نايک) ويل کېدی،نه (نياک). نايک اوس په اردو ژبه کي د قافلې د مشر معنی لري، په ځينو فرهنګونو کي نايک کلمه د مشر او پېشوا په معنی سانسکريټي کلمه بلل سوې ده (۱). ښايي د استاد نظر به درست وي او دا کلمه به له يوې ژبي څخه بلي ته په اوښتلو کي سمه نه وي تللې، دا چي نايک په مغولي دور کي هم يو قبيلوي عنوان وو، نو ښايي چي تر مغولو دي لا هم دا کلمه لرغونې وي او د آريايي ټولني څخه دي پاته سوی وي، چي په پښتنو کي موجوده ده. (۱): د مغولو په دولت کي د وروستيو سياسي کودتاوو تاريخ، دوهم ټوک، (۱۳۵مخ)، د کابل پوهنتون چاپ. (۲): وګورئ: سټنډرډ اردو ډکشنري، (۷۹۰مخ)، دليل ساطع، (۴۲۷مخ).
Source: [د کتاب نوم: د پښتني قبيلو اصطلاحي قاموس (حقوقي- جزايي- تعاملي)؛ ليکونکی: کانديد اکاډميسن محمد ابراهيم عطايي؛ چاپوونکې اداره: د پښتو څېړنو نړيوال مرکز کابل؛ د چاپ کال: ۱۹۷۸ز.؛ ډيجيټل کوونکی: شمس الله آرين، قاموسونه ټکی کام ۲۰۲۰ز.]