to main page
Sayed Ganj Balochi Glossary [Sayad Zahoor Shah Hashmi]

پر بیگ

  1. [(پِ رْ. بَ یَگْ)]
    چیزے ءِ سر ءَ بَیَگ، گیش بَیگ.سر ءِ پِر بیگ: سرپد بیگ.تپ ءِ پِر بیگ: کسے ءَ تپ ءِ گِرگ ھمے رنگ ءَ درد ءِ پِر بَیگ، دل ءِ پِر بیگ: پہ کارے ءِ کنگ ءَ واھگ دارگ یا پہ واھگ کار ءِ کنگ.نوک پِر بَیگ: اولی شپ ءِ ماہ ءِ گِندگ بَیگ کہ ماہ بُنگیج بیت.کار ءِ پِر بیگ: سکّ باز کار بیگ.پاد ءِ پِر بیگ: پہ گاریں چیزے ءِ بارہ ءَ گْوش اَنت "زاناں پاد ئِے پِر بیتگ کہ گار اِنت" چمّ ئِے پِر بیگ: گِندگ، تینّ یا منجل ءِ پِر بیگ: بزاں پہ نگن پچگ یا دگہ چیزے ءِ گْرادگ ءَ آس ءِ سر ءَ بیگ.وام ءِ پِر بیگ: وامدار بیگ، بیر ءِ پر بیگ: کسے ءِ سر ءَ بیرے بیگ.
    Synonym: پِر بیگ
  2. [(پُ رّْ. بَ. یَگْ)]
    ھالیگین ءُ ھورکیں چیزے ءِ تہ ءَ دگہ آپینک یا آرتینک ھمنچک مان بیگ کہ دگہ داشت مہ کنت (2) گْواتیگ ءُ دمّال ءُ زگریانی پُرّ بَیگ بزاں بے سار بَیگ.(3) ڈگار ءِ چہ آپ ءَ پُرّ بیگ، دل ءِ پُرّ بیگ: چہ چیزے ءَ دل سیر بیگ.دپ ءِ پُر بیگ: چہ ورگ یا آپ ءَ ، لبّ وارتگیں مردم ءَ ھم گْوشگ بیت.لاپ ءِ پُرّ بیگ: جنین ءِ لاپ ءَ چُکّ بیگ پہ دلوت ءُ اولاک ءَ "آپُس بیگ" گْوش اَنت. چہ ورگ ءَ لاپ ءِ پُرّ بیگ بزاں باز ورگ ءُ سیر بیگ (ندکاری زبان ءَ باید اِنت "لاپ ءِ سیر بیگ گْوشگ بہ بیت ) ھرچ ھالیگیں چیزے ءِ چہ دگہ چیزے ءَ پُرّ بَیگ.
    Synonym: پُرّ بیگ
^ top of page