to main page
Sayed Ganj Balochi Glossary [Sayad Zahoor Shah Hashmi]

آزمان

[(آز مَا ـ ن)]
بُرز ءِ پْراھگ، بُرزی، چہ زمین ءَ بُرز ءِ پْراھگ کہ روچ ءَ سبز ءُ شپ ءَ سیاہ اِنت، روچ ءُ ماہ ءُ استار ھم آزمان ءِ دیم ءَ گِندگ بنت . آزمان ءَ روگ: وت ءَ مزن زانگ، مزن سر بیگ، بُرز روگ، بال کنگ، مِرَگ، آزمان ءِ دیم ءَ بیگ: بزاں سکّ بُرز روگ یا بیگ، آزمان ءَ پدگ بندگ: نہ بوتگیں کار کنگ ، چاکر اگاں آزمان ءَ پدگ بند ئے ـ ھانیں میران ءَ پہ گِدار گِند ئے ( کْوھنیں لچّہ) آزمان ءِ پْرشگ: یا آزمان ءِ ماں سر ءَ پْرشگ: سکّیں مزنیں تاوان ءُ بیرانی بیگ یا سکّیں مزنیں گم ءُ چیلا ماں کپگ، ھِنّئیں دست ءُ آدْروھیں سَسّا ـ تُرس ایش اِنت کہ آزمان پْرش اِیت ( سَیَد) آزمان ءِ پہ سر زُورگ: سکّیں مزنیں کُوکّار ءُ واھی کنگ بلے اے گالبند بُندر ءَ بلوچی نہ اِنت بلوچی « مُلک پہ سر زرتگ، کوہ پہ سَر زُرتگ، جنگل پہ سر زُرتگ گْوش اَنت» اِے ریپکارانی کرناھاں کوی پہ سر زُرتگ ـ سَیَد دمانے بنالین زیمرانی نلے.
Synonym: آزمان
^ top of page