to main page
Sayed Ganj Balochi Glossary [Sayad Zahoor Shah Hashmi]

پبڑی

[(پَ بْ۔ بَ ڑِیْ)]
آپ ءَ رُد ایت ایشی ءِ تاک سک پتن اَنت ءُ آپ ءِ سر ءَ کُپار بنت۔ ابید چہ ایشی ءِ کرینگ ءَ کہ پُلّ ءُ بَر ھمشی ءِ سر ءَ بیت دگہ ھچ ٹال چہ آپ ءَ بُرز بوت نہ کنت۔ ایشی ءِ پُلّ سکّ ڈولدار اِنت، ایشی ءِ بَر گِرد چوکہ پس ءِ پدوم یا پومڑ ءَ اَنت۔ ایشی ءِ کوسگ ءِ بُن بارگ ءُ سَربُر پَتن اِنت چو چَپّی ءَ ، سربُر ئِے ٹُنگ ٹُنگ ءُ ھمے ٹنگانی تہ ءَ بَرانی دانگ گندگ بنت۔ ایشی ءَ پاچ اَنت ءُ دانگاں کشّ اَنت۔ ایشی ءِ بَراں ھم پبّڑی گْوش اَنت۔ تَرّی ءَ سبز اَنت ھُشک بنت سْیاہ ترّ اَنت۔ ھندی ءَ ایشی ءَ کنوَل گْوش اَنت۔.
Synonym: پبّڑی
^ top of page