to main page
Sayed Ganj Balochi Glossary [Sayad Zahoor Shah Hashmi]

بن

  1. [(بُ نْ)]
    جَھل ، زمین ءِ سر (2)چیر: لوگ ءِ بُن (3) بُنگیج: دوچ ءِ بُن ، گپّ ءِ بُن (4)کُٹّ اِتگیں سر (5)شِیر ءِ بُن: ھما تْرپش اِتگیں شیر کہ پہ مستگ ءِ ھاتر ءَ تاجگیں شیر ءَ مان کنگ بیت.(6)روک ، آس بُن اِنت ، آس ءَ بُن بدے بزاں روک بکن (7)دانگ: پیماز ءِ بُن ، ھمے رنگ ءَ بُنے مَچ یک مچّے یاکہ بُنے پیشّ ، کرپاس، ماش ، پرماش ءِ بُنے.(8)بے بُن: پھک بے بنیاد (9)پہ چم دیست ءَ آزمان ءُ زمین ءِ دوچار کپگ ءِ جاگہ. بتل: جمبر گْرند ایت ماں بُن ءَ ، دھکان کند ایت گوں جَن ءَ .بُن ءِ بَز کنگ: وتی پکّار ءُ لوٹگ ءَ سرجم کنگ، کار شرّ کنگ، وتی بند ءُ بست ءَ پہ جْوانی کنگ . پہ وت ءَ سرجمیں سیتّ ءُ کٹّ ءُ نپ ءِ دست آرگ. بُن ءِ بندگ: پیمّاز یا دگہ انچیں دھلے ءِ بُن ءِ جَنَگ بزاں آئی ءِ بُن ءِ گروھگ. کتاب، دپتر یا دگہ انچیں چیزے ءِ تاکانی یکجا مُھر کنگ ءُ شیراز بندگ، بُن بیگ: روک بیگ ، آس گِرگ بُن جَنگ: بُن بندگ، بُن ءِ گروھگ بیگ. پہ جْوانی آس ءِ روک کنگ. ھرکارے ءِ بُنگش ءَ مُھکم کنگ.بُن دارگ: روک کنگ ، بُن دیگ مان دارگ، بُن دیگ: روک کنگ، بالگ بُن ءِ دارگ: گپ ءِ بُن بزاں گپ ءِ سر ءِ دارگ: وتی گپّ ءَ نہ دیگ یاکہ منّینگ ءِ جُھد کنگ.بُن روگ: پھک روگ، بیگواہ بیگ ، بُن شُتیں وام یا بُن شُتیں ھون: بزاں وام یا ھون کہ گِرگ نہ بیت. پہ بُن روگ: پھک روگ ، پھک بیگواہ بیگ ، بُن سُچ بیگ: پھک سُچگ ، بیگْواہ بَیگ ، بیرانبُن سوچ کنگ: سوچگ، بے گْواہ کنگ ، ویران ءُ بیران کنگ.بُن کنگ: آس گِرگ ، روک بیگ ، بُن گِرگ، بُنیاد ءَ مُھر کنگ ، بُنمال کنگ، مال کنگ، سیر بیگ، آباد بیگ بُن ءِ کشّگ: سوداگری ءُ باپاری ءَ بُنمال ءِ دست ءَ آیگ کہ پَشت کپتگیں چیز پہ نپ ءُ سیتّ ءَ ھساب بنت بُن کشّگ: دْرچکے ءُ دھلے کہ آئی ءِ مُھکم اِنت ءُ دار ئِے کشّ اِتگ ، بُن کپگ: بُن ءُ مال کنگ، زرّ کنگ، مال کنگ. بُن ءَ کپگ: جھل کپگ ، تاوان بار بیگ، چہ دْرکّ ءُ دَوراں کپگ ، ایرماد بیگ. بُن گِرگ: روک بیگ، آس گِرگ، بَلگ، بُن ءِ گِرگ: دْرچک ءِ نھال ءَ کہ دگہ جاگھے جنگ بیت چیزے روچ ءَ رند بُن ءَ ماں زمین ءَ گیپت.
    Synonym: بُن
  2. [(بِ نّْ)]
    مزنیں سِنگ، زنڈیں سِنگ، پانگَر، جگردی سکیں مزنیں سنگ.
    Synonym: بِنّ
^ top of page