to main page
Sayed Ganj Balochi Glossary [Sayad Zahoor Shah Hashmi]

بل

  1. [(بَ لْ)]
    بلگ ءِ پرمانگال بزاں "بہ بَل" روک بہ بَے، (2)ھیلّت: تو یکّے ءَ بات ءُ بل ئے انگت دومی ءِ نام ءَ گر ئے.
    Synonym: بَل
  2. [(بَ لّ)]
    ھما زمین کہ یدّر ءَ مِلک اِنت ، بلوچستان ءِ باز جاگھانی نام اِنت. کھیر بَلّ؛ ھما جاگہ کہ کھیر باز اِنت کھیر در: کوکو کن کپوت بلّانی، کیٹّگ پکّگ اَنت ولّانی. نیزگ ، نیزہ، نیزگ ءِ سر ~ ھپتوں پرا بَلّ ءِ سر ءَ (للہ گراناز )[گال در آمدے].
    Synonym: بَلّ
  3. [(بِ لّْ)]
    یلہ بدے، اِلّگ ءِ پرمانگال، (2)تْرپشیں لیمبو ءُ پُل یاکہ پُلّ ءِ تاک، ایشی ءِ پُلّ چوکہ مُکڑا ءِ پُلّ ءَ اِنت. تاکان ئِے لتار ئے ھم تْرپش بو کن اَنت "بِلّ گُلاب ءُ زاپراں" دل ءِ درد ءِ درمان اَنت. (3)بِلّ بیگ: انچوش کہ "بِلّ اِت بات" بزاں زندگ بات ئے ھدا ترا پشت گیجات. (4)مکن ءِ چپّگان، موکل، اجازت، جازات، پلانی ءَ اے کار ءِ کنگ ءِ بِلّ اِنت. پہ اے بزانت ءَ اے گال ءَ "بِھل" ھم گْوشگ ءُ نبیسگ راست اِنت. بچار گوں"بِھل" بِلّ ءُ مکن: بکن ءُ مکن( امر و نہی) ~ بِلّ اِت بات او مرد کُشیں بالاچ.بھا بِلّ: بھا کنگ ءِ جازات ءُ موکل ، پُتر بِلّ: پترگ ءِ موکل ءُ اجازت ( ENTRY VISA. ENTRY PERMIT )راہ بِلّ : (ROAD PERMIT )سات بِلّ: (TRAVEL PERMIT )سانگ بِلّ: سیر کنگ ءِ جازات ، شنگ بِلّ: شنگ کنگ ءِ بِلّ ، چاپ ءُ شنگ کنگ ءِ موکل (DECLARATION )کار بِلّ: کار کنگ ءِ جازات(WORK PERMIT )گشتانک بِلّ: گشتانک دیگ ءِ موکل.
    Synonym: بِلّ
  4. [(بُ لّْ)]
    پُٹ، میدّ ، پژم یا ھمے رنگیں چیزے کہ دگہ چیزے ءِ سر بُر ءَ گیشّ ءُ چُدگو بہ بیت. اک: کلاہ ءِ بُلّ. چگوگیں مُرگ ءِ بُل. چُکّ ءِ بُلّ: چُکّ ءِ سر ءَ سا اَنت بلے توک ءَ یا گوک ءَ کمّیں مید پشت گیج اَنت . کروس ءِ بُل.
    Synonym: بُلّ
^ top of page