to main page
Sayed Ganj Balochi Glossary [Sayad Zahoor Shah Hashmi]

بگابند

[(بَ گا+ بَن، دْ)]
بلوچستان ءِ یک مزنیں سیہ بندے بزاں ماتکوھے کہ باز بُرز ءُ دْراج اِنت، گْوش اَنت کہ یک مردمے بوتگ کہ جون ئِے سک تیار ءُ بے کساس زوراک بوتگ کہ مردم چہ ایشی ءِ تُرس ءَ گار بوتگ ءُ ایشی ءَ ھر وھد مردم پُل اِتگ اَنت مردماں چہ تُرس ءَ گوں ایشی ءَ مِڑ اِت ھم نہ کرتگ. یک روچے یک مردمے گند ایت ئِے کہ اشتر ءِ سر ءَ پہ مُشت جَتک چوپگ ءَ اَت کہ یک اناگہ ءَ پہ جاک گوں وت ئِے گْوشت: "ھو زور اگاں ترا دلے بوتیں" اے مرد ءَ اشکت ءُ زانت ئِے دل ئِےنیست، ایشی ءَ ھکّل کرت یک برے بگا ڈڈ بوت بلے چار اِت ئِے مرد وتی مرگ ءَ سر گْوستگ دل ئِے یلہ دنت اے مرد ئِے کُش ایت. زانگ نہ بیت کہ اے داستان داں چینچک ءَ راست اِنت ، اے کوہ ءَ باز مردم "باگار بند" ھم گْوش اَنت.
Synonym: بگابند
^ top of page