[(اِے - رْ - دَ - یَ - گْ)]
چہ بُرز ءَ یک چیزے ءِ پہ جَھل ایردیگ ءُ جَھلاد کنگ ، دانینک یا آرتینک ءِ چہ بُرز ءَ اِیردیگ ، ھَور ءِ اِیر دیگ: بزاں سکّ رِچَگ - مُردگ ءِ ماں مانش ءَ اِیر دیگ: بزاں کلّ کنگ ءَ پہ مانش ءِ تہ ءَ ایر گیجگ - گْورم ءَ اِیردیگ: دریا کہ باز گْورم بیت گُڑا زِر ءَ یا کہ چہ تیاب ءَ چیزے پد زِر گْورم پْروش اِیت - کار بلدیں مید وتی یّدار یا کہ راچن ءَ کہ آچار اِنت ھمے گْورم ءَ گوں اِیر دنت بزاں گْورم ءِ ھمراھی ءَ کیت گوں ، تیاب ءَ میدانی چُک پَرش (پَتنیں تَھتگے ) زیر اَنت دریا ءَ مان دینت دانکہ ھمود ءَ کہ گْورم پہ پْرشگ ءَ چِست بنت اِے ھمے پْرش ءَ دْراج بُرّی گِر اَنت بلے سرے وتی لاپ ءَ سکّ دینت وتی دل ءَ چہ اِیشی ءَ کمّیں چِست داع اَنت گوں ھر دوئیں دستاں آئی ءِ دومی سر ءَ دار اَنت ءُ گوں گْورم ءَ ھور تیاب ءَ کاینت - ایشی ءَ مید " پْرش تاچگ " گْوش اَنت - چمّاں اِیردیگ: پہ چیزے ءِ دلمانگی ءَ چمّاں دارگ ، دستاں یا پاداں اِیر دیگ: پہ چیزے ءِ گِرَگ یا ایر کپگ ءَ ، لُنٹاں اِیر دیگ: پہ بَزّگی ءُ دلمانگی ، گْور ءِ اِیردیگ: بوجیگ ءِ توپان ءِ وھد ءَ گوں گْورم ءَ ، دپ ءِ اِیر دیگ: سکّیں توپّان ، کہ بوجیگ لیٹ بنت ءُ گْورماں سَگ اِت نہ کنت گوں لیٹ ءَ آئی ءِ دپاں بزاں کش ءِ سر بُری کِرّ گْورم ءِ دَپ ءَ تَرّ اَنت کہ بوجیگ آپ زیر اِیت ءُ بُڈ اِیت - شیر ءِ اِیردیگ: انچیں پس یا گوک ھست کہ اگاں آئی ءِ چُکّ آئی ءِ کِرّ ءَ مہ بیت وتی شیر ءَ دار اِیت بزاں دْوشگ ءَ پہ شَرّی شیر نئیت بلے وھے کہ چُکّ ءَ ئے کار اَنت گڑا چہ مھر ءُ دوستی ءَ وتی شیر ءَ اِیر دنت ، مال ءِ اِیر دیگ: مال ءِ ماں بوجیگ یا دگہ دریاھی اولاک ءِ کَنڈ ءَ جھلاد کنگ بزاں مان کنگ ، کارچ ءِ اِیر دیگ: پہ کُشگ ءَ کسے گُٹّ ءَ ، گرم ءِ اِیر دیگ: بزاں گیش بیگ - ھمے رنگ ءَ گْوھر ءِ اِیردیگ ، لشکر ءِ اِیر دیگ: چہ بُرزیں جاگھے ءَ یا کہ ماں ملک ءَ یا کہ شپ ءَ ماں ملک ءَ یا کہ دومی لشکر ءَ ، مُلک ءَ اِیر دیگ: کسے ءِ مُلک ءَ اِیر دیگ کسے کُشگ ءَ رَوَگ یا پہ دگہ کار زوال یے ءَ ، اَرسانی اِیردیگ: بزاں اَرسانی ریچگ ، گْریوگ ، کسے ءِ لوگ ءَ اِیردیگ: بزاں پہ دُزّی ، بیر گیری یا پہ دگہ کار بیرانی یے ءَ اناگہ یَ پُترگ ، مُرگ ءِ اِیردیگ: بزاں پہ نِندگ یا پہ شکار ءَ جَھل ءَ آیگ ، بالیگراب ءِ اِیر دیگ: بزاں آئی ءَ پہ نادینگ ءَ جَھل آرگ ، سر ءِ اِیر دیگ: جَھل کنگ ، چمّانی اِیر دیگ: پہ دلمانگی ءُ چمّ جھلی ، رَمگ ءَ اِیر دیگ: چہ کوہ ءَ جَھل اِیر گیجگ یا ڈگار ءَ ، کَمیٹ یا ڈول ءِ اِیر دیگ: ماں چات ءَ پہ آپ کشّگ ءَ ، گْوات ءِ اِیر دیگ: کَشّگ ، بانْزُلانی اِیردیگ: بالی مُرگ ءِ پہ نِندگ ءَ یا گِسی مُرگ ءِ چَہ گرم یا پہ چُورکانی اَمباز ءَ یا دوستی ءِ سھرا کنگ ءَ ، پادانی اِیر دیگ: مُرگ ءِ چہ بال ءَ پہ نِندگ ءَ ، پَرّگانی اِیر دیگ: بالیگراب ءِ پہ نِندگ ءَ.
Synonym: اِیر دَیگ