to main page
Sayed Ganj Balochi Glossary [Sayad Zahoor Shah Hashmi]

ماسولک

[(مَ ا س وْ لْ کْ)]
هما نَلُک کہ آیانی سر ءَ پہ چهر بندیک پتاتگ کہ همیشی ءَ کران ءِ تہ ءَ کن اَنت جولاهگ گُد ءِ اوتاگاں گْوپ اِیت-ماسولک چتور جوڑ بیت:دهے۱۰ ٹال ند زیر اَنت هم کدّ کن اَنت کہ کد ء دستے دْراجی ءَ بنت ایشاں دْراجی ءَ چو کہ ونجی ءَ تل کن اَنت هر یک ندے دو ونجی بیت-ایشانی کِرّاں ٹُنگ کن اَنت ءُ همرد ءَ کش پہ کش کماینت انچوش کہ دل اِش یکدیم ءَ بہ بنت ءُ پُشت اِش یکدیم ءَ(چو کہ سِگم یاسِمن)بنت،نی ایشاں چو تگرد ءَ گِرد پیچ اَنت ءُ ایشی ءِ تهی نیمگ ءَ همینچو پْراه کن اَنت کہ پَرَه ءِ مات دار ءِ سر ءَ ماں بلگُش اِیت-مات دار ءِ نیمے همے ندانی دْراجی ءَ رس اِیت دومی نیم زنڈتر اِنت کہ ند وت ءَ بدار اَنت،مات دار ءِ سرهم کمّیں چہ نداں گیش اِنت کہ آئی ءِ سر ءَ بند اَنت کہ ترّگ ءَ ند در میا اَنت-نی همے ندانی سر ءَ گیشینک ءَ لگوش اَنت ءُ آئی ءِ کشّ اَنت ءُ همے گیشّینک چہ پَرَه ءَ پَرّچان بیت ءُ ماسولک ءِ سر ءَ پتایاں بیت-یک ماسولکے کہ پُرّ بیت آئی ءَ کشّ اَنت ءُ دگرے جَن اَنت-.
Synonym: ماسولک
^ top of page