لگت

1. [(لَ گَ تْ)]
   (۱) یک چیزے ءِ سر ءَ روگ بزاں آئی ءِ سر ءَ پاداں ایر کنگ ءُ روگ ـ لگت جنگ: پہ زور گوں پاد ءَ جنگ ـ لگت دیگ: اک: تگرد ءَ لگت مد ئے ـ لگت کنگ: پہ بے ساری ـ لگت ورگ: جنگ بیگ.
   Synonym: لگت
2. [(لَ گَ تْ)]
   (۲) چہ پاد ءِ مُچّ ءَ جھل سرجمیں پاد ءِ ھما بھر کہ اوشتگ ءَ زمین ءِ سر ءَ دْراجی ءَ ایر بیت ـ ایشی ءِ یک سرے لنکک اَنت ءُ دومی ءَ پاد ءِ پینز ـ (۲) گُد دوچی کارگہ ءِ ھما بھر کہ گُد سر ءَ ایر بیت کہ چو مردم ءِ لگت ءَ اِنت ـ لگت بیگ؛: لگتانی چیر ءَ آیگ ـ لگت پردیگ: پاد پر دیگ ـ پہ تاوان دیوکیں یا رسوکیں کارے کنگ ءُ وت ءَ بے سما کنگ لگت جنگ: ھر، اپس ، اُشتر کہ وتی پُشپاد ءَ پُشت ءَ پہ کسے شان اِیت ـ لگت جنگ: تُپنگ ءِ کہ وھدے تیر ءَ بارت آئی ءِ کُنداک چہ تیر ءِ در روگ ءِ زور ءَ سینگ ءَ تْرند لگّ اِیت ـ لگت دیگ: چیزے ءَ لگتانی چیر ءَ آرگ " تگرد ءَ لگت مدئے " پَتّر ءِ لگت دیگ : کسے ءِ لوگ ءَ پہ پُرسی روگ ـ لگت کنگ: چیزے ءِ پہ زانت بلے پہ ناوشّی پادانی چیر ءَ کنگ ءُ زور ہِردیگ ـ لگت کنگ: گِل ءِ کہ آپ پِرّیچگ بیت کہ لھم بہ بیت ـ لگت کنگ: ناہ ءِ کہ چہ دانگی ءَ رنگ ئِے تَرّ اِیت ءُ زرد ءُ یکرہ بیت ـ ایشی ءَ لگتی ناہ گْوش اَنت ( آ ناہ کہ پہ دست پُنڈ اَنت ءُ ھمے رنگ ءَ یکرہ کن اَنت آئی ءَ " دست ہُنڈ " گْوش اَنت ـ ایشی ءَ گیشتر کسانیں مَچّ ءِ پیشّ ءَ جوڑ بیتگیں کپاتُکاں کن اَنت کہ اے کپاتُک ءَ گوں ناہ ءَ " پُرّو " گْوش اَنت ـ ھمے رنگ ءَ ایشی ءَ " گرکُو " ھم گْوش اَنت ـ ھمے کپاتُک چہ مچ ءِ گرگ ءِ اسپیتیں ھجگیں پیشاں جوڑ کنگ بیت. پُنڈی : ھما دست پُنڈیں ناہ ءَ گْوش اَنت کہ چو مُشتک ءَ ڈِکّ ئِے کن اَنت ءُ پد ءَ ماں آرتان ئِے ھم جن اَنت ) لگت مال بیگ: لگتانی چیر ءَ آیگ : ہاد مال بیگ: لگت مال کنگ: چیزے ءِ تَرّ ءُ بیرہ کنگ ءُ لگت دیگ یا ھرکس بئیت ءُ لگت ئِے بکنت ـ " پاد مال کنگ " لگت ورگ : لگت جنگ بیگ ـ ( ھمے رنگ ءَ لٹّ مُشت ، زاہ ءُ ھبر ءُ شھمات ءِ ورگ) ـ.
   Synonym: لگت