to main page
Sayed Ganj Balochi Glossary [Sayad Zahoor Shah Hashmi]

کٹ

  1. [(کَ ٹْ)]
    بُھلیگ ، تر زَنکیں پس یا گوک ءِ شیر کہ گوں گرادگ ءَ ڈِکّ بنت ھمے شیراں شکر مان کن اَنت گْراد اَنت,, کَٹ,, بنت ، کَٹیں شیر - کَڑ ، پیشّ پچ ، شِشَگ ، چِشّگ ٢- دنتان ءِ کٹ بیگ بزاں تْرُپشیں چیز ءِ ورگ ءَ رند دنتان دگہ چیز ءِ ورگ ءَ نہ سگّ اَنت ، بلے گیشتر کٹیں اَمب ءِ ورگ ءَ رند ٣- چِرک ءُ چِلّ ءِ کٹ: ھما چِلّ ءُ چرک کہ چلیم ءِ نل ءِ تہ ءَ بند ایت یا گَھ ءِ تہ ءَ ، سمات ، لِڈّ ھاک.
    Synonym: کَٹ
  2. [(کِ ٹ)]
    سمات ءِ ڈِمپگ.
    Synonym: کِٹ
  3. [(کُ ٹ)]
    جِست ، (nickel ) ٢- ھما کہ اسل نہ اِنت (نقلی ).
    Synonym: کُٹ
  4. [(کَ ٹّ)]
    پیدائش، کمائی، نپ، پائدگ، تاوان ءِ چپ.
    Synonym: کَٹّ
  5. [(کِ ٹْ ٹ)]
    بُنی،، بُندری، سیاہ ٢- پاگاس یا دگہ انچیں ماھیگ ءِ جگر ءَ گراد اَنت ءُ آئی ءِ تیلاں کشّ اَنت ھمے تیلاں چِلّ گوش اَنت ءُ پشت کپتگیں بھر کہ بز ءُ سکّ بنت ایشاں,, کِٹّ,, گوش اَنت.
    Synonym: کِٹّ
  6. [(کُ ٹْ ٹ)]
    مردم ءِ کُٹّ ، پشک ءِ کُٹّ ٢- کسانیں لچُکے توم ئِے مان کن اَنت ءُ کِشگ ءِ وھد ءَ لانک ءَ بند اَنت ئِے ءُ تومان چنڈان کن اَنت.
    Synonym: کُٹّ
^ top of page