to main page
Sayed Ganj Balochi Glossary [Sayad Zahoor Shah Hashmi]

در آرگ

[(دَ رْ آ رَ گْ)]
مردم ءِ در آرگ: آئی ءَ ھر رھبندے کہ لوٹ ئے پہ جوانی سوج دَیَگ ، مردم ءَ کسے,, درکار اِیت,, گُڑا آ,, در بارت ,,بزاں آ کار زانت ءُ بلد بیت - گْرمپک ءِ در آرگ یا کہ سُھرک یا کہ انچیں نادراھی یے ءِ - نام در آرگ: نام کشّگ ، جوانیں نام پیداگ کنگ ، اولاک ءِ در آرگ: پہ سوار ءُ جمّازی ءَ اولاک ءَ وشّ رواج ءُ دم دار کنگ ءِ ھاتر ءَ پہ راہ ءُ رھبند تاچگ ءُ رھبنداں پرّینگ ، رھوار کنگ ، اُشتر ءَ گیشتر سر شپ ءَ یا کہ بانگواہ ءَ پہ در آرگ ءَ تاچ اَنت -اُشتر ءَ شپے روچے ءِ تَھ دو بار لازم پہ در آرگ ءَ تاچ اَنت ءُ رھبند ءَ پرّین اَنت دانکہ اشتر,, درکیت ,,آئی ءِ گْوشت پھک آپ بیت ءُ ھشکیں ھَڈ پشت کپ اِیت - چہ در آرگ ءَ رند نی بند ءَ ئِے کن اَنت - جْوان ئِے چارین اَنت کہ پد ءَ پزّور بیت ، چہ در آرگ ءَ رند اُشتر راہ ءَ دم ھم نہ بارت ، پشت ئِے ھم وش بیت ، راہ ءَ ھم تیز بیت ، رواج ئِے ھم جوان بیت.
Synonym: دَر آرگ
^ top of page