to main page
Sayed Ganj Balochi Glossary [Sayad Zahoor Shah Hashmi]

پنجگور

[(پَ نْ جْ - گُ وْ رْ)]
مکّران ءِ گوریچانی بھر ءِ مستریں جلگہ اِنت کہ ایشی ءِ میتگ رُکشان ءِ کَور ءِ ھر دو کِرّان اَنت - ایشی ءِ مزن میتگ,, چتکان ،،اِنت پنجگور ءِ سردار ءِ منند جاہ,, سوردو ،، اِنت ءُ مکّران ءِ سردار وھدے کہ پنجگور ءَ کیت آئی ءِ جاگہ,, ایسائی ،، ( ایسّئی )اِنت ، ایشی ءِ شھراں مچکدگ سکّ باز اِنت - ایشی ءِ مزاتی ناہ وتی مٹّ وت اِنت ، اد ءَ انگور ءُ انجیر ھم باز بیت - گوش اَنت کہ ایشی ءِ نام,, پنج مانش ,, ءِ پد ءَ پنجگور بزاں پنچ گور بوتگ - دگر گوش اَنت کہ ,, گور,, کبر ءُ مانش نہ اِنت ءُ اے,, گورھَر،، اِنت کہ پہ ھمیشانی شکار ءَ کیچ ءِ شکاری یے ءِ سر ھمد ءَ کپتگ - ھمے نام ءَ گوران ءِ ( گورانی ) کنڈَگ ءِ نام اِنت - دگہ جاگھے,, گوراں چُکّ ،، کہ ھمے کنڈَگ ءِ نزّیک ءَ اِنت - گوراں چُکّ ءِ جاگہ ءَ گور ءِ چُکّ شکاری ءَ جتگ ءُ ماتگور چمے کنڈَگ ءَ لِک کپتگ.
Synonym: پنجگور
^ top of page