[(اُ - ٹَنْ - ڈُ - رْ وْ)]
مُگلمانی ، مُگرمانی ، لیوا ءِ مزنیں یک دیمی پادگی بُرزیں ڈُھل کہ اوشتگ ءُ جَنَگ بیت اِے دو رنگ ءَ کارمرد بیت یکّے "لیوا" ءَ کہ اِے رنگ ءَ پہ دولَٹّ جَنَگ بیت دومی رنگ ءَ پہ دشمنّی ء رنگ ءَ جَنَگ بیت کہ لٹّ نہ زیر اَنت ءُ دستانی ھتر جَنَگ بیت - اِے دومی رنگ ءَ " شیے پز جا " یا شیک پرج ءِ منّوگر جَن اَنت ئے کہ اِے ھمے شیخ فریدالدین گنج شکر ءِ نام ء اَنت - اِے دومے رنگ ءَ ایشی ءِ آریپی ھ مَنّگ بیت - اِے گال ءِ جند سواھلی یے ، چوناھیگا ھم اِے دُھل چما ملکان آتکگ اِیشی بُندریں نام "نگوما"نگوما (NGOMA) اِنت بلے سند ءُ بلوچستان ءِ بَندراتاں پہ "اُٹنڈرو" ءَ زانگ بیت "اٹنڈرو" ء جند ءَ سواھلی ءَ "اُٹنڈرو " (U- TUN - DO - RO) گْوش اَنت - اِے اپریکا ءِ باز کْوھنیں سازے کہ پْراہ ءُ پتن ءُ دْراج اِنت کہ آئی ءِ سُر سَر بُر ءَ زاھر اَنت چو کہ ھار مونیم یا پیانو ءِ سُرانیگ ءَ ، پہ ایشی ءِ جَنَگ ءَ دو داری کُدینگ لَٹّ کارمرد بیت کہ ھمے سُرانی سر ءَ جنگ بنت - ایشی ءِ سُر بُندر ءَ چہ بمبو ءَ جوڑ بنت بلے مروچاں چہ"مادن" ھم جوڑاِش کن اَنت - یورپ ءُ تازیاں ھم ھمے رنگیں سازے جوڑ کتگ- ھمے رنگیں سازے چینی ، جاپانی ءُ ھند چینی مردمانی گْور ءَ ھم ھست اِنت.
Synonym: اُٹنڈرو