Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(30 (31 (32 (33 (34 (35 (36 (37 (38 (39 (3:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(31:12) (آيت نمبر:سورة نمبر)
ولقد آتينا لقمان الحكمة أن اشكر لله ومن يشكر فإنما يشكر لنفسه ومن كفر فإن الله غني حميد

وَلَقَدْ آتَيْنَا لُقْمَانَ الْحِكْمَةَ أَنِ اشْكُرْ لِلَّهِ ۚ وَمَنْ يَشْكُرْ فَإِنَّمَا يَشْكُرُ لِنَفْسِهِ ۖ وَمَنْ كَفَرَ فَإِنَّ اللَّهَ غَنِيٌّ حَمِيدٌ
له کابلي تفسير څخه پښتو ژباړه:
 اوخامخاپه تحقيق وركړى ؤمونږلقمان ته حكمت ( عقل ، علم اوويلي ؤ مونږده ته ) چې شكركوه الله ته اوهرچاچې شكروكړپس بيشكه همداخبره ده چې شكركوي لپاره ( دښيگڼې ) دځان خپل اوهرڅوك چې كافرشوپس بيشكه الله ډيربې پروادټولومحامدوڅښتن دى .
د مولوي قيام الدين کشاف پښتو ژباړه:
يقيناًمونږلقمان ته حكمت وركړى ؤچې د الله شكر ګذار اوسه.هر څوك چې شكر وباسي دهغه شكر دهغه د خپل ځان لپاره ګټوردى.او څوك چې كافر شي نو په حقيقت كښې الله بې نيازه او خود پخپله ستايل شويدى.
له کابلي تفسير کتاب څخه پښتو تفسير:
 تفسير : د زياترو علماؤ رايه داسې ده چې حضرت لقمان نبي نه و هو ! يو پاك او متقي انسان ؤ چې الله جل جلاله ورته اعلٰى درجه عقل ، فهم ، متانت او پوهه وركړي وه ده د خپل عقل او پوهې په قوت سره داسې خبرې ځانته كشفې او څرګندې كړې وې چې د انبياؤ له احكامو او هدآيتو سره موافقې وي دده د عقل او پوهې نصايح او د حكمت خبرې په خلكو كې له قديم الا يامه معروفې او مشهورې وې .
رب العزت د هغه يوه برخه دغه ده چې په خپل عظيم الشان قرآن كې هم نقلوي او دده مرتبه لازياتوي ښايي له دېنه مطلب داوي چې د شرك ،كفر او عصيان قباحت همغسې چې د انساني فطرت په شهادت او د انبياء الله له وحى ثابت دې ددنيا د غورو او منتخبو عاقلانو او فاضلانو مفكوره او مقوله هم د هغه تائيد او تصديق كوي پس كفار ولې د توحيد څخه بېزاره او كفر او شرك يې ځانته غوره او اختيار كړى دى ؟ او د دوى دغه وضعيت كه ښكاره ګمراهي نه ده نو بل څه شى دى ؟
تنبيه : حضرت لقمان د كوم ځاى اوسېدونكى ؤ ؟ او په كومه زمانه كې يې ژوندون درلود ؟ ددغو خبرو پوره او كامل تعيين نشي كېداى د زياترو د اقول دى چې دى حبشي ؤ حضرت داود عليه السلام په زمانه كې يې ژوند كاوه دده په نسبت ډيرې قصې او اقوال په نورو تفاسيرو كې نقل كړى شوى دى والله اعلم بصحتها .
( وَمَن يَشْكُرْ فَإِنَّمَا يَشْكُرُ لِنَفْسِهِ ) او هر چا چې شكر وكړ پس بېشكه همدا خبره ده چې شكر كوي دپاره د ښېګڼې د ځان خپل او هر څوك چې كافر شو پس بېشكه چې الله جل جلاله غني ډير بې پروا د ګردو محامدو څښتن دى ) يعنې پر دغه لوى احسان او نورو احساناتو ښايي چې د حقيقي منعم شكر اداء او دده حق پېژندل ضروري وګڼل شي . مګر دغه خبره دې واضحه وي چې ددغه حق پېژندلو او شكر اېستلو څخه الله جل جلاله ته هيڅ يوه فايده نه رسيږي هو ! هغومره ګټه او فايده چې رسيږي په خپله همدغه عارف او شاكر ته رسيږي چې په دنيا كې ډير انعام او اكرام او په اخرت كې اجر ، ثواب او ښه مقام يې ورپه برخه كيږي كه دوى ناشكري او كفران كوي نو خپل ځانته تاوان رسوي الله جل جلاله داسې شكرګزار يو ته هيڅ ضرورت او احتياج نه لري د الله جل جلاله په حمداو ثنا كې ددنيا ټول مخلوقات د حال په ژبه مشغول او لګيا دى او په فرض محال كه كوم حامد او ثناء ويونكى له سره هم نه وي خو بيا هم پاك الله جل جلاله د خپل جامع الصفات او منبع الكمالات والى په بناء په خپله محمود دى او د چا د حمد او شكر كولو يا نه كولو څخه دده په كمالاتو كې د يوې ذرې په اندازه هم څه زياتې او كمي نه پېښيږي .



Source: {powered by: islamlacom.com}[ جُز يا پاره - اتل مآ اوحی 21 ؛ سورة - لقمان 31 ؛ آيت - 12 ] (31:12)