Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(30 (31 (32 (33 (34 (35 (36 (37 (38 (39 (3:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(31:14) (آيت نمبر:سورة نمبر)
ووصينا الإنسان بوالديه حملته أمه وهنا على وهن وفصاله في عامين أن اشكر لي ولوالديك إلي المصير

وَوَصَّيْنَا الْإِنْسَانَ بِوَالِدَيْهِ حَمَلَتْهُ أُمُّهُ وَهْنًا عَلَىٰ وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ
له کابلي تفسير څخه پښتو ژباړه:
 اووصيت ، امركړى دى مونږانسان ته له موراوپلارخپل سره ( په نيكۍ كولوځكه چې په نس كې ) ګرځاوه ده لره موردده په سستۍ سره له پاسه دبلې سستۍ اوبيلول دده دي ( له تي نه ) په ( پوره كيدلود) دووكلونوكې ( اوورته ويلي دي مونږداسې ) چې شكركوه ! ماته اومورپلارخپل ته خاص بياماته دي راتله ( ستاسې اى انسانانو! )
د مولوي قيام الدين کشاف پښتو ژباړه:
او مونږانسان ته دخپل مور او پلار د حق پيژندنې تاكيد كړى دى.د هغه مور دكمزورۍ دپاسه كمزورۍ په حال كې هغه را اخيستى په خپله ګيډه كې يې وساته او دوه كلونه يې په تي وركولو ولګيدل.( له همدې امله مونږهغه ته نصيحت وكړچې ) زما شكر وكړه او دخپل مور او پلار شكر پرځاىكړه ، همدا زما لوري ته ستا راګرځيدل دي.
له کابلي تفسير کتاب څخه پښتو تفسير:
 تفسير : يعنې د مور حق له پلار نه هم زيات دى ځكه چې مور ترڅو مياشتو پورې دى په خپله ګېډه كې ګرځوي بيا د حمل له وضعې نه وروسته تر دوه ؤ كلونو پورې تى ورته وركوي او دده د تربيې او پاللو په ضمن كې راز ــ راز تكاليف او ربړونه ګالي او زحمتونه او تكاليف په ځان اخلي او خپله ارامي او هوسايي ترې جار وي نو ضروري ده چې هر انسان لومړى د الله جل جلاله او بيا د خپل مور او پلار حقوق په مخصوص ډول سره وپيژني او په ځاى يې كړي يعنې د الله جل جلاله عبادت وكړئ ! او د مور او پلار په خدمت او اطاعت كې له توان سره سم بوخت اوسئ ! او له سره ترې غاړه مه غړوئ ! خو ترهغې پورې چې د الله جل جلاله معصيت ته مفضي نشي ځكه چې د الله جل جلاله حق په دوى مقدم دى او دده په حضور كې تاسې او دوى ګرد سره حاضريږئ نو ښايي چې انسان دې په خپل زړه كې ښه فكر او غور وكړي چې په كوم مخ او خوله به دى له پاك الله جل جلاله سره مخامخ كيږي .
تنبيه : د تي نه بېلولو موده چې دلته دوه كاله بيان شوې ده د غالب عادت او اكثريت په ملحوظ ده زمونږ امام اعظم ابوحنيفه رحمه الله چې د تي وركولو زياتره موده دوه نيم كاله بولي له ده سره به بل كوم دليل وي د نورو جمهورو په نزد همغه دوه كاله ده والله اعلم .

Source: {powered by: islamlacom.com}[ جُز يا پاره - اتل مآ اوحی 21 ؛ سورة - لقمان 31 ؛ آيت - 14 ] (31:14)