Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(30 (31 (32 (33 (34 (35 (36 (37 (38 (39 (3:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(32:13) (آيت نمبر:سورة نمبر)
ولو شئنا لآتينا كل نفس هداها ولكن حق القول مني لأملأن جهنم من الجنة والناس أجمعين

وَلَوْ شِئْنَا لَآتَيْنَا كُلَّ نَفْسٍ هُدَاهَا وَلَٰكِنْ حَقَّ الْقَوْلُ مِنِّي لَأَمْلَأَنَّ جَهَنَّمَ مِنَ الْجِنَّةِ وَالنَّاسِ أَجْمَعِينَ
له کابلي تفسير څخه پښتو ژباړه:
 اوكه اراده كړې واى مونږنوخامخاوركړى به ؤ مونږهرنفس ته ( په دنياكې ) هدايت دهغه وليكن مقررشوې ده دغه وينا( حكم ) له ما چې خامخا ډك به كړم هرومرودوزخ ( له كفارونه ) له پيريانواو انسانانو ټولوڅخه .
د مولوي قيام الدين کشاف پښتو ژباړه:
( په ځواب كښې به وويل شي ) : كه مونږغوښتلى نولا پخوابه موهر نفس ته دهغه هدايت وركړى و.خوزما هغه خبره ترسره شوه چې ما ويلي ووچې زه به دوزخ له پيريانواو انسانانو ټولوڅخه ډك كړم.
له کابلي تفسير کتاب څخه پښتو تفسير:
 تفسير : د الانعام په ۳ ركوع كې يې ويلي دي ( وَلَوْ رُدُّواْ لَعَادُواْ لِمَا نُهُواْ عَنْهُ ) يعنې بيا مو دنيا ته وليږه ! او ومو ګوره چې مونږ څرنګه ښه عملونه كوو يعنې دوى دروغ وايي كه دنيا ته بېرته وليږلى شي بيا به هم دوى پخپلو همدغو شرارتونو كې بوخت وي د دوى د طبيعت اقتضاء او غوښتنه همداسې ده چې د شيطان اغواء او لمسون قبلوي او د الله جل جلاله له رحمت څخه لرې تښتې بېشكه مونږ په دغه خبره قادر يو چې ددنيا ګرد انسانان په جبر او زور سره د هدايت په لاره راولو او پرې قايم يې كړو چې د هغه په لورې د انسانانو زړونه فطرتاً مايل دي لېكن په دغه تقدير سره چې ګرد انسانان په همدغه يوه طور او طريقه اختيارولو مجبور كول دغه زمونږ د حكمت او مصلحت څخه مخالف وو چې د هغه بيان په څو نورو ځايونو كې پخوا لدېنه شوى دى نو همغه خبره پوره كېدونكى وه چې د ابليس ددغې دعوٰې : ( وَلأُغْوِيَنَّهُمْ أَجْمَعِينَ ــ إِلاَّ عِبَادَكَ مِنْهُمُ الْمُخْلَصِينَ ) په ځواب كې ويلى وه : ( فَالْحَقُّ وَالْحَقَّ أَقُولُ ــ لأَمْلأَنَّ جَهَنَّمَ مِنكَ وَمِمَّن تَبِعَكَ مِنْهُمْ أَجْمَعِينَ ) ( د ص ۵ ركوع ۲۳ جزء ) معلومه شوه چې دلته له جن او انس څخه مراد همغه شياطين او د هغوى پيروان دي .
Source: {powered by: islamlacom.com}[ جُز يا پاره - اتل مآ اوحی 21 ؛ سورة - السجدة 32 ؛ آيت - 13 ] (32:13)